Хуссар Иры рауагъдонтæн сæ бон раттын у иумæйаг паддзахадон фæлварæн Цæгат Иры

© Sputnik / Павел Лисицын /  Ахизын медиабанкмæИумæйаг паддзахадон фæлварæн
Иумæйаг паддзахадон фæлварæн  - Sputnik Хуссар Ирыстон, 1920, 19.01.2023
Рафыссын
ЦХИНВАЛ, 19 янв – Sputnik, Хъуылымбегты Зæлинæ. Цæгат Ирыстоны уагъд цæуы сгарæн иумæйаг паддзахадон фæлварæн уæрæсейаг ахуыргæнæндæтты абитуриенттæн. Ахуырады гъæдæн саргъ кæныны дæлхайады хистæр Дзылиаты Альбина куыд радзырдта Sputnik, афтæмæй ацы аз уым хайад нæ исынц Хуссар Ирыстоны рауагъдонтæ.

"Сгарæн фæлварæн уадзыны этапыл нæм куырдиæттæ не ‘рбацыд, фæлæ нæм кæд æрбадзура Хуссар Ирыстоны ахуырад æмæ зонады министрад абитуриентты номхыгъдимæ, уæд мах цалдæр боны дæргъы бацæттæ кæндзыстæм хицæн пункт, контролон æрмæджытæ, æмæ ауадздзыстæм фæлварæн", - фехъусын кодта Дзылиаты Альбина.

Хуссар Ирыстоны ахуырады министрады зонад æмæ профессионалон ахуырады дæлхайады консультант Бекъойты Диана банысан кодта, документты райст иумæйаг паддзахадон фæлварæн раттыны фæдыл ныридæгæн райдыдта æмæ адарддæр уыдзæн 26 январы онг.
"Рауагъдонтæ, кæцыты фæнды раттын фæлварæнтæ, бадзурынц ахуырады министрадмæ. Уыдон байдзаг кæнынц сæрмагонд куырдиæттæ, кæцытæ мах арвитæм Цæгат Ирыстонмæ, уый фæстæ фæсивæд сæхæдæг ацæуынц æмæ раттынц фæлварæнтæ", - загъта уый.
Бекъойты Диана бафтыдта, зæгъгæ, фыццаг фæлварæн ацæудзæн 26 майы. Ныртæккæ фæлварæн раттынмæ куырдиæттæ бадæттой 12 рауагъдоны.
Ног хабӕртты лентӕ
0