Хуссар Иры парламенты ацыд æддагон политикæйы фæдыл рабадт

© Photo : Пресс-служба парламента РЮОХуссар Ирыстоны парламенты ацыди æддагон политикæйы фæдыл рабадт
Хуссар Ирыстоны парламенты ацыди æддагон политикæйы фæдыл рабадт - Sputnik Хуссар Ирыстон, 1920, 20.01.2023
Бафыссын
НовостиTelegram
ЦХИНВАЛ, 20 янв – Sputnik. Хуссар Ирыстоны парламенты ацыд æддагон политикæ æмæ æхсæнпарламентон бастдзинадты фæдыл комитеты рабадт. Уый тыххæй хъусын кæны закъондæттæг органы пресс-службæ.
Фембæлды рæстæджы æрныхас кодтой Республикæ Хуссар Ирыстоны æрбаиу кæныныл бактериологион (биологон) токсикон хæстæрмæг бакуыстытыл тобæ сæвæрын æмæ йе 'скуынæг кæныны Конвенцимæ 1971 азы 16 декабрæй.
Комитеты къухдариуæггæнæг Дриаты Заза æрæмбырдуæвджытæн фехъусын кодта, цы закъоны проект цæттæ кæнынц, уый тыххæй.

"Нæ комитет аскъуыдзаг кодта ралæууын закъондæттæг инициативæимæ республикæйы парламентмæ бахæссын, цæмæй РХИ æрбаиу уа бактериологион (биологон) токсикон хæстæрмæг бакуыстытыл тобæ сæвæрын æмæ йе 'скуынæг кæныны Конвенцимæ 1971 азы 16 декабрæй. Закъондæттæг инициативæйы регистраци скæныны фæстæ, бакуыстгонд æрцыд закъоны проект æмбæлон документтимæ", - бахахх кодта Дриаты Заза.

Уымæй дарддæр ма комитеты æрныхас кодтой УФ Федералон Æмбырды Федерацийы Советы бадзырд дунейы парламенттæ æмæ æхсæнадæмон парламентон организацитæм, Запорожаг АЭС Киевы режим æхстыты бын кæй кæны, уый фæдыл.
Парламентаритæ æмдзырдæй схъæлæс кодтой æвæрццагæй рабадты фарстытыл.
Фембæлды депутатты йеддæмæ уыдысты Хуссар Ирыстоны ФХМ сæргълæууæг Джиоты Æхсар æмæ хицауады минæвар парламенты Кокойты Зураб.
Ног хабӕртты лентӕ
0