Гаглойты Алан тæфæрфæс ракодта номдзыд композитор Плиты Жаннæйы мæлæты фæдыл

© gerrustrash.livejournalПлиты Жаннæ
Плиты Жаннæ - Sputnik Хуссар Ирыстон, 1920, 24.01.2023
Бафыссын
НовостиTelegram
ЦХИНВАЛ, 24 янв - Sputnik. Хуссар Ирыстоны президент Гаглойты Алан банысан кодта, зынгæ ирон композитор Плиты Василы чызг Жаннæйы ацыд ирон культурæйæн кæй у стыр зиан. Уый уыд ирон адæмы музыкалон гений. Йæ аивады баиу сты националон мотивтæ æмæ æппæтдунеон мидис, дзырдæуы Гаглойты Аланы тæфæрфæсы телы, кæцы мыхуыргонд æрцыд президенты сайтыл
"Ахæм æнахуыр, курдиатджын адæймæгты цард арæх æмиу вæййы стыр зындзинæдтимæ, адæм сæ нæ фембарынц, уымæн æмæ уыдон сæ дуджы разæй цæуынц, рагон фæлгæттæй хизынц. Хъыгагæн нын алы хатт нæ фæвæййы фадат, цæмæй сын æмбæлон кад скæнæм сæ удæгасæй, æмбæлон хъарм хъусдардæй сæ схайджын кæнæм. Уый тыххæй сæ хатыр курæм" - дзырдæуы тæфæрфæсы телы.
Паддзахады сæргълæууæг бафтыдта, зæгъгæ, Плиты Жаннæ уыд æнæкæрон курдиаты хицау, æппæтудæй йæ цардыхæсæн æнувыд.
"Композиторы уацмыстæ мыггагмæ баззайдзысты дунеон музыкалон аивады сыгъзæрин фонды. Плиты Жаннæйы лæггæдтæ егъау æмæ уæзгæ сты ирон адæмы раз. Æмæ йæ рухс ном æнустæм фыст у нæ национ историйы", - фехъусын кодта президент.
Ног хабӕртты лентӕ
0