Цæгат Ирыстоны пъæлицæйæгтæ баурæдтой наркотикон буарад парахатгæнæг бинонты

© Photo : Пресс-служба МВД РФ по РСО-АЦæгат Ирыстоны пъæлицæйæгтæ баурæдтой наркотикон буарад парахатгæнæг бинонты
Цæгат Ирыстоны пъæлицæйæгтæ баурæдтой наркотикон буарад парахатгæнæг бинонты - Sputnik Хуссар Ирыстон, 1920, 25.01.2023
Бафыссын
НовостиTelegram
ЦХИНВАЛ, 25 янв – Sputnik. Цæгат Ирыстоны барадхъахъхъæнджытæ баурæдтой бинонты къай, кæцытæн сæ фæнд уыди республикæйыл апарахат кæнын синтетикон наркотикон буарад. Уый тыххæй хъусын кæны республикæйы МХМ пресс-службæ.
Фыдгæнджытæй байстой наркотикон буарад "метадон", 60 иухаттон дозæйы фаг.
Тобæгон æрвыстагмæ бинонтæ араст сты сыхагон регионмæ. Пъæлицæйæгтæ баурæдтой нæлгоймаджы – 30-аздзыд Дзæуджыхъæуы цæрæг, раздæр уыд тæрхонгонд наркотикты æнæзакъонон зерзылды тыххæй. Зæрдæмæхсайгæ хъуамæ сарæзтаид сусæг æвæрæнтæ.
"Сæрмагонд басгæрсты рæстæджы ссардæуыд æмæ райстæуыд авд тыхтоны, уыдоны мидæг, экспертизæмæ гæсгæ, уыдис синтетикон наркотикон буарад "метадон". Ноджыдæр ма цыппар тыхтоны аналогион наркотикимæ пъæлицæ райста сусæг æвæрæнæй, кæцы ахст нæлгоймагæн бантыст бамбæхсын Дзæуджыхъæуы уынгтæй иуыл", - дзырдæуы хъусинаджы.
Фатеры басгæрсты фæстиуæгæн зæрдæхсайгæтæм ссардтой æмæ байстой тыхтон метадонимæ, кæцы, куыд радзырдта 43-аздзыд хæдзары ᾿фсин, хъуамæ иумæ ауæй кодтаиккой йе ᾿мкъайимæ.
Ног хабӕртты лентӕ
0