Хуссар Иры ацыд СÆО-йы тыххæй чиныджы презентаци
© Sputnik / Natalia Airiyan
Рафыссын
ЦХИНВАЛ, 3 фев - Sputnik, Дзæгъиаты Олег. Хуссар Ирыстоны столицæйы Тыбылты Алыксандры номыл паддзахадон университеты бæстыхайы ацыд Уæрæсейы сæрмагонд æфсæддон операцийы (СÆО) тыххæй чиныг "Красные линии"-йы презентаци. Мадзалы хайад райстой чиныджы автор, юридикон зонæдты доктор Иван Соловьев, ХИПУ ректор Тедеты Вадим, республикæйы Æдасдзинады советы секретарь Плиты Анатолий, алгъуызон министрадты сæргълæуджытæ æмæ бирæ æндæр номдзыд æхсæнадон архайджытæ.
Соловьев бузныг загъта Хуссар Ирыстоны къухдариуæгадæн хъарм райсты тыххæй.
"Бузныг Хуссар Ирыстоны президент æмæ æппæт къухдариуæгадæн æрхуынды тыххæй. Бузныг ХИПУ разамынадæн æмæ алкæмæндæр, чи æрбацыд мæ фарсмæ балæууынмæ æмæ, сæйраджыдæр, скад кæнын ахсджиаг темæйæн, кæцыйæн нывонд у чиныг, хъайтартæн, кæцытæ хъахъхъæнынц нæ Фыдыбæстæ", - загъта уый.
Иван Соловьевы чиныг "Карсные линии"-йы презентаци
© Sputnik / Natalia Airiyan
Соловьев банысан кодта, чингуытæ "Красные линии"-йы презентацитæ ацыдысты Уæрæсейы æппæт территоритыл. Уый ма бахахх кодта, чиныджы фыццаг презентаци кæй ацыд Донецкы.
"Иу къуыри дæр нæ рацыд чиныджы рауагъдæй, æмæ æз æнæхъæн тиражимæ ацыдтæн уырдæм. Донецкмæ куы æрцыдтæн, уæд дзы фæзынд иу зындзинад. Хъуыдис равзарын æдас бынат, цæмæй ракетæтæ ма æрбатæхой украинæйаг фарсæй. Ахæм бæстыхай ссардтам æмæ презентаци ацыд æнæ уæлвæткон цаутæй", - банысан кодта чиныджы автор.
Иван Соловьевы чиныг "Карсные линии"-йы презентаци
© Sputnik / Natalia Airiyan
Хуссар Ирыстоны Æдасдзинады советы секретарь Плиты Анатолий бузныг загъта чиныджы авторæн йе ‘рцыды тыххæй æмæ банысан кодта, Иван Соловьевæн кæй ис ахсджиаг бынат хуссарирыстойнаг паддзахады райрæзты фыццаг этаптыл.
"Иван Соловьев бирæ сарæзта Хуссар Ирыстонæн, сæйраджыдæр, баххуыс кодта нæ барадхъахъхъæнæг системæйы арæзтадæн. Иван Соловьев йæ чиныджы презентацимæ Хуссар Ирыстонмæ кæй æрцыд, уый æвдисы, нæ республикæйы йын кæй ссис тынг æввахс", - бахахх кодта уый.
Иван Соловьевы чиныг "Карсные линии"-йы презентаци
© Sputnik / Natalia Airiyan
ХИПУ ректор Тедеты Вадим банысан кодта, Соловьевы чиныджы презентаци кæй у нысаниуæгджын цау университетæн.
Мадзалы рæстæджы хайадисджытæ радтой автормæ цалдæр фарсты, афтæ ма йын сæ зæрдæ загъта сфæлдыстадон æнтыстытæ.
Презентаци фæцис чингуыты байуæрстæ æмæ автограф-сессийæ.
Иван Соловьевы чиныг "Карсные линии"-йы презентаци
© Sputnik / Natalia Airiyan
