Владимир Путин цыппæрæмы фембæлдзæн Хуссар Иры сæргълæууæгимæ

© Sputnik / Наталья Селиверстова /  Ахизын медиабанкмæМæскуы
Мæскуы - Sputnik Хуссар Ирыстон, 1920, 16.03.2023
Рафыссын
ЦХИНВАЛ, 16 мар — Sputnik. Уæрæсейы президент Владимир Путин цыппæрæмы ауадздзæн баныхас Хуссар Ирыстоны сæргълæууæг Гаглойты Аланимæ, хъусын кæны РИА Новости Кремлы официалон минæвар Дмитрий Песковы ныхæстыл æнцойгæнгæйæ.
"Ацæудзæн Хуссар Ирыстоны президенты кусæгон балц, кæцы уый размæ аргъæвтой медицинон аххосæгты тыххæй", - фехъусын кодта Песков журналисттæн æмæ банысан кодта, Хуссар Ирыстонимæ ахастытæ тынг ахсджиаг кæй сты Уæрæсейæн.
Уæрæсе æмæ Хуссар Ирыстоны сæргълæуджытæ Владимир Путин æмæ Гаглойты Аланы фембæлд хъуамæ ацыдаид 22 февралы Мæскуыйы, фæлæ йæ аргъæвтой хуссарирыстойнаг лидерæн коронавирус кæй сбæлвырд кодтой, уый тыххæй. Гаглойты Алан ацыд карантинмæ. Марты райдианы президенты пресс-службæ фехъусын кодта, иукъуырион хоскæнынады фæстæ паддзахады сæргълæууæджы ПЦР-тест равдыста æппæрццаг фæстиуæг. Президент раздæхт куыстмæ, иу къуырийы фæстæ та (7 марты) Гаглойты Алан ногæй ацыд уæрæсейаг столицæмæ.
Ног хабӕртты лентӕ
0