Хуссар Иры райдыдтой уалдзыгон быдырон куыстытæ

© Sputnik / Виталий Тимкив /  Ахизын медиабанкмæХуссар Ирыстоны райдыдтой уалдзыгон быдырон куыстытæ
Хуссар Ирыстоны райдыдтой уалдзыгон быдырон куыстытæ - Sputnik Хуссар Ирыстон, 1920, 29.03.2023
Рафыссын
ЦХИНВАЛ, 29 мар — Sputnik, Гæбæраты Элина. Хуссар Ирыстоны райдыдтой уалдзыгон быдырон куыстытæ. Куыд радзырдта Sputnik "Ирагропромсервис"-ы директор Мамытаты Вахтанг, зæхгуысты техникæ цæттæ у уалдзыгон куыстытæм.

"Дыууæ къуырийы размæ райдыдтам кусын адæмимæ. Развæлгъау бацæттæ кодтам балансыл цы зæхкусыны æмæ тауыны техникæ ис, уыдон. Ныртæккæ быдырты ис 20 тракторы. Се ᾿ппæт дæр сты æмбæлон уавæры – раздæр сæ сцалцæг кодтам", - банысан кодта уагдоны сæргълæууæг.

Куыд банысан кодта ныхасæмбал, афтæмæй æрвыл аз дæр цæуынц домæнтæ адæмæй хуым кæнынмæ, æгæрыстæмæй январы дæр.
2022 азы Хуссар Ирыстоны хъæууонхæдзарады кусджытæ бакуыстой фылдæр быдыртæ иннæ азтæм абаргæйæ. Кæд æмæ раздæр хъæууон хæдзарады министрады бæрæггæнæнтæм гæсгæ бакуыстгонд цыдысты хуымы 2,5 мин гектары, уæд ныр та фæфылдæр ис 500 гектары бæрц. Абоны бон амалиуæгады къухы ис 11 комбайны, уыдонæй æсæз сты нæуджытæ, афтæ ма дыууæ дæсойы цалхджын техникæ.
Ног хабӕртты лентӕ
0