Цæгат Иры культурæйы райрæзтæн рахицæн кæндзысты 600 милуан сомы

© farniev-kostya.livejournaДзæуджыхъæу
Дзæуджыхъæу - Sputnik Хуссар Ирыстон, 1920, 29.03.2023
Рафыссын
ЦХИНВАЛ, 29 мар – Sputnik. Цæгат Ирыстоны культурæйы райрæзтæн 2023 азы рахицæн кæндзысты 600 милуан сомы, хъусын кæны республикæйы сæргълæууæг æмæ хицауады пресс-службæ.
"Республикæйы культурæйы фадыджы райрæзтмæ здæхт цæуы сæрмагонд хъусдард. Паддзахадон программæты фæлгæтты ацы аз мах рахицæн кæндзыстæм 600 милуан сомы, уый у фылдæр ивгъуыд азмæ абаргæйæ. Фæрæзтæ ацæудзысты арæзтад, реконструкци æмæ культурæйы уагдæттæн нырыккон ифтонггарз сифтонг кæнынмæ. Курын уæ, цæмæй уæ цæст дарат мадзæлттæ гъæдджынæй æмæ рæстæгыл æххæст кæнынмæ", - фехъусын кодта рабадтыл хицауады сæрдар Джанайты Борис.
Пресс-службæйы бæрæггæнæнтæм гæсгæ, хицауады рабадтыл ивындзинæдтæ бахастой паддзахадон программæмæ "РЦИ-Аланийы культурæйы райрæзт" 2014-2024 азтæм. Ивындзинæдтæ банхъардта республикæйы культурæйы министр Галазты Эдуард.
Ног хабӕртты лентӕ
0