Хуссар Иры арæзтады министрады коллективæн бавдыстой ног разамонæджы

© Sputnik / Natalia AiriyanЕлдзарты Константин
Елдзарты Константин - Sputnik Хуссар Ирыстон, 1920, 06.04.2023
Рафыссын
ЦХИНВАЛ, 6 апр — Sputnik, Гæбæраты Элина. Хуссар Ирыстоны президент Гаглойты Алан цыппæрæмы бавдыста арæзтад æмæ архитектурæйы министрадæн ног разамонæджы – Елдзарты Константины.
Елдзарты Константины снысан кодтой Арæзтады министрады сæргълæууæгæй президенты барамындæй, уый размæ ацы бынаты 10 азы дæргъы куыста Зæгъойты Эдуард.
"Елдзарты Константин зонгæ у коллективимæ, Зæгъойты Эдуардимæ та иумæ арæзтой инфраструктурæ æмæ объекттæ республикæйы территорийыл. Мæ хъуыдымæ гæсгæ, ног сæргълæууæгимæ куыстытæ адарддæр кæндзысты", - банысан кодта паддзахады сæргълæууæг.
Гаглойты Алан бахахх кодта, ацы аз Инвестпрограммæ кæй хъуамæ сæххæст кæной нывæстгонд æмгъуыдæй раздæр.
Елдзарты Константин бузныг загъта президентæн æууæнчы тыххæй æмæ равдыста цæттæдзинад куыстмæ, афтæ ма стыр аргъ скодта раздæры министры архайдæн.
Зæгъойты Эдуард та банысан кодта, министрадæн æнтыстытæ кæй нæ уыдаид æнæ коллективы куыстæй. Афтæ ма йæ зæрдæ загъта арæзтады министрады ног разамонæгæн стыр æнтыстытæ.
Ног хабӕртты лентӕ
0