Коцойты Арсен. Уацмыстæ - Sputnik Хуссар Ирыстон, 1920, 07.04.2023
Коцойты Арсен.Уацмыстæ

КОЦОЙТЫ АРСЕН. УАЦАУТÆ. ФЫНДДÆС АЗЫ

КОЦОЙТЫ АРСЕН. УАЦАУТÆ. ФЫНДДÆС АЗЫ
Рафыссын
Хъæугæрон хибарæй лæууыди куырой, Далойты Хъæвдыны куырой.
Хъæубæсты куырæйттæ бирæ уыди, фæлæ адæм сæ хор ссынмæ арæхдæр ластой Хъæвдыны куыроймæ. Уым хор нæ давтой, уым афойнадыл куыст æххæст кодтой, уым мызд иннæ куырæйттæй къаддæр истой.
Хъæвдын æрбадти куыройы фондз æмæ ссæдзазыккон лæппуйæ.
Уæдæй фæстæмæ уый нал цыди хъазтмæ, нал цыди ныхасмæ, цыма адæмы æхсæнмæ цæуыныл сомы бакодта, уый хуызæн йæхи дардта.
Куыстæй-иу æй куы равдæлди, куроймæ хæстæг-иу адæмæй куы ничи уыди, уæд-иу рацыди Хъæвдын æмæ-иу, сæр риуыл æруадзгæйæ, къухтæ фæсонтыл сæвæргæйæ, доны былтыл рацу-бацу кодта. Кæнæ-иу лæууыдаид, æнæзмæлгæйæ, сахат, дыууæ сахаты æмæ фылдæр.
Куыроймæ цæуæг адæмæй-иу исчи исты æнæхъуаджы ныхас куы райдыдтаид, уæд-иу Хъæвдын йæхи азылдта, аиуварс кодта...
Цы кодта Хъæвдын? Цы мæстæй тайы йæ сæрымагъз? Цы хъыгдзинадæй судзы йæ зæрдæ?
Ног хабӕртты лентӕ
0