Хуссар Иры президент æрбаласта гуманитарон уаргъ СÆО зонæмæ

© Photo : Пресс-служба президента РЮОХуссар Иры президент æрбаласта гуманитарон уаргъ СÆО зонæмæ
Хуссар Иры президент æрбаласта гуманитарон уаргъ СÆО зонæмæ - Sputnik Хуссар Ирыстон, 1920, 28.04.2023
Рафыссын
ЦХИНВАЛ, 28 апр – Sputnik. Хуссар Ирыстоны президент Гаглойты Алан бабæрæг кодта ирон хæстонты Мелитополы æмæ æрласта гуманитарон уаргъы радон парти 4-æм æфсæддон базæйы æфсæддонтæн, бархионтæн батальонтæ "Алания" æмæ "Шторм"-æй. Уый тыххæй фехъусын кодта президенты пресс-секретарь Босыкты Наталья.
Уый банысан кодта, гуманитарон уаргъы сæрмагонд æфсæддон операцийы (СÆО) хайадисджытæн ис техникон фæрæзтæ – квадрокоптертæ, тепловизортæ, рацитæ, генератортæ, афтæ ма фыццаг æнæмæнгхъæугæ æрмæджытæ – хæлцадон продукттæ, дон, æфсæддон дарæс, пецтæ æмæ афтæ дарддæр.
"Уый у гуманитарон æххуысы дыккаг егъау парти президентæй. Уымæй дарддæр, президент иудадзыг æххуыс кæны хæстонтæн. Паддзахады сæргълæууæгæн ис бастдзинад хæстонтимæ æмæ дырысæй зоны, цы зындзинæдтæ сын вæййы фронты æмæ сæ иууыл фылдæр цы хъæуы. Президент йæхæдæг æрласта гуманитарон æххуыс, цæмæй æрныхас кæна бархионтæ æмæ æфсæддонтимæ. Уый у ахсджиаг хæстонтæн", - загъта Босыкты Наталья.
Афтæ ма Гаглойты Алан радта 4-æм æфсæддон базæйы дæлхайæдтæй иуæн йæхи сæрмагонд хæдтулгæ.
"Президентæн фехъусын кодтой, СÆО зонæйы хайадисæг хæстонты кæй хъæуы "пикап" хæдтулгæ дизелон æртагыл, цæмæй хæстæрмæджытæ æмæ æндæр æфсæддон уаргъ ласой фронтмæ. Паддзахады сæргълæууæг аскъуыддзаг кодта раттын æфсæддонтæн йæхи хæдтулгæ. Дæлхайады къухдариуæгад бузныг загъта Гаглойты Аланæн æххуысы тыххæй", - загъта пресс-секретарь.
Хæстонтæ хорз райстой президенты, бузныг ын загътой иудадзыг æххуысы тыххæй. Уыдон бахахх кодтой, дарддæр эффективонæй кæй æххæст кæндзысты сæ хæстон хæслæвæрдтæ.
Ног хабӕртты лентӕ
0