https://sputnik-ossetia.com/20230428/kotsoyty-arsen-dzhanaspi-3-khay-22746668.html
КОЦОЙТЫ АРСЕН. ДЖАНАСПИ. 3 ХАЙ
КОЦОЙТЫ АРСЕН. ДЖАНАСПИ. 3 ХАЙ
Sputnik Хуссар Ирыстон
Магазин аразыны бæсты Джанаспи йе ’хцатæ, йæ зынаргъ дзауматæ дурынты бафснайдта, дурынты хъуыртæ хорз сæхгæдта, резинæйы сыфæй сæ балвæста æмæ сæ цæхæрадоны... 28.04.2023 мӕ, Sputnik Хуссар Ирыстон
2023-04-28T13:42+0300
2023-04-28T13:42+0300
2023-04-28T13:42+0300
коцойты арсен.уацмыстæ
хуссар ирыстоны
радио иронау
аудиочиныг
https://cdnn1.img.sputnik-ossetia.ru/img/07e7/04/15/22746503_0:0:1445:812_1920x0_80_0_0_433b593b8a9f65e4e4d2b3be89053491.png
КОЦОЙТЫ АРСЕН. ДЖАНАСПИ. 3 ХАЙ
Sputnik Хуссар Ирыстон
КОЦОЙТЫ АРСЕН. ДЖАНАСПИ. 3 ХАЙ
Магазин аразыны бæсты Джанаспи йе ’хцатæ, йæ зынаргъ дзауматæ дурынты бафснайдта, дурынты хъуыртæ хорз сæхгæдта, резинæйы сыфæй сæ балвæста æмæ сæ цæхæрадоны арф баныгæдта. Æххуыс ын кодта Хасанбег, ууыл алцæмæй дæр æууæндыд. Уыцы рæстæджы Фатымæ æмæ Чермен та цæйдæр æфсон æрвыст уыдысты æндæр хъæумæ — Джанаспийы хъуыдымæ гæсгæ, Фатымæ, куыд сылгоймаг, сусæгдзинад бавæрын нæ бафæрæзтаид. Чермен та, чи йын цы зоны, цы дзы рацæудзæн, — нæ йыл æууæндыди. Уый фæстæ Джанаспи магазины хатæнты цæвæрдта ницæйаг, æнæхъæугæ дзауматæ æмæ цæрынтæ байдыдта æнæзынгæ цардæй, пайдайы тыххæй фыццагау риуыгъдтытæ нал кодта. Уалынмæ 1920 аз ралæууыди æмæ уæд Джанаспи иудадзыг æрсабыр кодта йæхи, иуты фарс дæр нæ лæууыди, иннæты фарс дæр, йæхи ныхъхъус кодта, фæлæ сусæгæй йæ дæндæгты къæс-къæс цыди. Æппындæр æхца пайдайыл нал лæвæрдта, цы дыууæ æххуырсты йæм уыди, уыдон дæр ауагъта.НЭП-ы рæстæджы та базаргæнджытæ, хъавгæ-хъавгæ, сæ дуканитæ, сæ ресторантæ, кондитеронтæ, æрмадзтæ гом кæнын байдыдтой, фæлæ сын фыццаджы вывескæтæ нал уыди, фæзынди сыл æндæртæ, алкæуыл дæр дзы фыст уыди: "хи къухты фæллой", кæнæ "æнæ æххуырстытæй æрмадз", кæнæ "хи куыст". Афтæ буржуази кæлмгæсагау цъыгъгъуыттытæ кодта революцийы къухты ’хсæн, йæ цард фервæзыныл архайдта. Фадат уыди уæд Джанаспийæн дæр дукани байгом кæнынæн, фæлæ нæ байгом кодта. "Фидар нæу хъуыддаг, фидар нæу хъуыддаг", — афтæ хъуыды кодта хинымæры.
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
2023
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
хуссар ирыстоны, радио иронау , аудиочиныг, аудио
хуссар ирыстоны, радио иронау , аудиочиныг, аудио
Магазин аразыны бæсты Джанаспи йе ’хцатæ, йæ зынаргъ дзауматæ дурынты бафснайдта, дурынты хъуыртæ хорз сæхгæдта, резинæйы сыфæй сæ балвæста æмæ сæ цæхæрадоны арф баныгæдта. Æххуыс ын кодта Хасанбег, ууыл алцæмæй дæр æууæндыд. Уыцы рæстæджы Фатымæ æмæ Чермен та цæйдæр æфсон æрвыст уыдысты æндæр хъæумæ — Джанаспийы хъуыдымæ гæсгæ, Фатымæ, куыд сылгоймаг, сусæгдзинад бавæрын нæ бафæрæзтаид. Чермен та, чи йын цы зоны, цы дзы рацæудзæн, — нæ йыл æууæндыди.
Уый фæстæ Джанаспи магазины хатæнты цæвæрдта ницæйаг, æнæхъæугæ дзауматæ æмæ цæрынтæ байдыдта æнæзынгæ цардæй, пайдайы тыххæй фыццагау риуыгъдтытæ нал кодта. Уалынмæ 1920 аз ралæууыди æмæ уæд Джанаспи иудадзыг æрсабыр кодта йæхи, иуты фарс дæр нæ лæууыди, иннæты фарс дæр, йæхи ныхъхъус кодта, фæлæ сусæгæй йæ дæндæгты къæс-къæс цыди. Æппындæр æхца пайдайыл нал лæвæрдта, цы дыууæ æххуырсты йæм уыди, уыдон дæр ауагъта.
НЭП-ы рæстæджы та базаргæнджытæ, хъавгæ-хъавгæ, сæ дуканитæ, сæ ресторантæ, кондитеронтæ, æрмадзтæ гом кæнын байдыдтой, фæлæ сын фыццаджы вывескæтæ нал уыди, фæзынди сыл æндæртæ, алкæуыл дæр дзы фыст уыди: "хи къухты фæллой", кæнæ "æнæ æххуырстытæй æрмадз", кæнæ "хи куыст". Афтæ буржуази кæлмгæсагау цъыгъгъуыттытæ кодта революцийы къухты ’хсæн, йæ цард фервæзыныл архайдта. Фадат уыди уæд Джанаспийæн дæр дукани байгом кæнынæн, фæлæ нæ байгом кодта. "Фидар нæу хъуыддаг, фидар нæу хъуыддаг", — афтæ хъуыды кодта хинымæры.
