Хуссар Иры Ленингоры районы банысан кодтой Мадæлон æвзаджы бон

© Sputnik / Наталья АйриянЛенингор
Ленингор - Sputnik Хуссар Ирыстон, 1920, 17.05.2023
Рафыссын
ЦХИНВАЛ, 17 май – Sputnik, Гæбæраты Элина. Хуссар Ирыстоны Ленингоры районы банысан кодтой Ирон æвзаг æмæ литературæйы бон. Районы администрацийы пресс-службæйы хистæр Кокойты Анжела куыд радзырдта Sputnik-æн, афтæмæй егъау мадзал бацæттæ кодта ахуырады хайад, уыдон æрбаздахтой Ленингоры уырыссаг æмæ гуырдзиаг, Захъхъоры, Цъинагары æмæ Орчъосаны скъолаты ахуырдзауты, афтæ ма Ленингоры районон музыкалон скъолайы хъомылгæнинæгты.
"Скъоладзаутæ бакастысты зындгонд ирон авторты æмдзæвгæтæ, бацæттæ кодтой театралон равдысттæ æмæ кафыны номыртæ, кæцытæ сæххæст кодтой Цъинагары хъæуы культурæйы хæдзары хореографион ансамбль "Арвырон"-ы артисттæ. Бæрæгбонон мадзалы иууыл активон хайадисджытæн радтой Ленингоры районы администрацийы грамотæтæ", - банысан кодта Кокойты Анжела.
Бæрæгбонон архайд здæхт уыд рæзгæ фæлтæры зонындзинæдтæ фæфылдæр кæнынмæ.
Мадзал бабæрæг кодта районон администрацийы сæргълæууæг Гæджиты Иларион. Уый раарфæ кодта районы цæрджытæн ахсджиаг бæрæгбоны цытæн æмæ банысан кодта, патриотизмы хъомылад кæй райдайы мадæлон æвзагмæ уарзондзинадæй", - загъта Кокойты Анжела.
Бирæазон цæсгомджын куысты тыххæй Ленингоры районы администрацийы ахуырады хайады кады грамотæтæй схорзæхджын кодтой мадæлон æвзаг æмæ литературæйы ахуыргæнджыты.
Ног хабӕртты лентӕ
0