Хуссар Иры æрурæдтой Цхинвалы 19-аздзыд цæрæджы амарыны зæрдæхсайгæты

© Sputnik / Наталья АйриянЦхинвал
Цхинвал - Sputnik Хуссар Ирыстон, 1920, 19.05.2023
Бафыссын
НовостиTelegram
ЦХИНВАЛ, 19 май — Sputnik, Дзæгъиаты Олег. Хуссар Ирыстоны æрцахстой Цхинвалы 19-аздзыд цæрæг Тыджыты Вячеславы амарыны æртæ зæрдæхсайгæйы. Уый тыххæй парламенты сессийы рæстæджы радзырдта МХМ сæргълæууæджы хæдивæг Мамиты Эрислав.
Республикæйы цæрæджы мæрдон буар ссардтой цыппæрæмы изæры Хуссар Ирыстоны столицæйы хисæрмагонд хæдзæрттæй иуы.
"Æрцахстæуыд амарыны æртæ зæрдæхсайгæйы. Уыдонæй иу у фæмардуæвæджы æввахс хæстæг. Ныртæккæ МХМ кусджытæ исынц æвдисæйнаг дзауматæ æмæ видеокамерæтæй æрмæджытæ, цæмæй дырысæй сбæлвырд кæной амæлæты аххосаг æмæ рæстæг", - банысан кодта Мамиты Эрислав.
Мамиты Эрислав бафтыдта, зæгъгæ, амарыны верситæй иу у бинонты æхсæн хъаугъатæ хæдзары бынтæ дих кæнын фæдыл.
Йæ ныхæстæм гæсгæ, ныртæккæ уагъд цæуынц оперативон-сгарæн мадзæлттæ.
Ног хабӕртты лентӕ
0