Хуссар Иры сезонон донхосгӕнӕндон цӕттӕ кӕнынц бакӕнынмӕ

© Пресс-служба правительства РЮОДонхосгӕнӕндон "Ныфс"
Донхосгӕнӕндон Ныфс - Sputnik Хуссар Ирыстон, 1920, 19.05.2023
Рафыссын
ЦХИНВАЛ, 19 май – Sputnik, Плиты Фатимӕ. Хуссар Ирыстоны Знауыры районы Нагутнийы хъӕуы сезонон донхосгӕнӕндон "Ныфс" цӕттӕ кӕнынц бакӕнынмӕ, зымӕджы стыр митуардты рӕстӕджы уым кӕцыдӕр арӕзтӕдтӕн бахъыгдард сӕ агъуысттӕ. Уый тыххӕй Sputnik радзырдта йӕ хистӕр Чилӕхсаты Владимир.
Йӕ ныхӕстӕм гӕсгӕ, уыдон фӕнд кӕнынц бакӕнын сезон 20 июны.
"Февралы цы стыр митуардтӕ уыд, уыдон зиан ӕрхастой улӕфӕндонӕн, иу агъуыст ныккалд ӕмӕ ӕрхаста зиан ӕндӕр арӕзтӕдтӕн дӕр", - загъта уый.
Улӕфӕндоны ӕфснайӕн куыстытӕ райдыдтой фондз боны размӕ.
"Бирӕ дзы ис кусинаг, фӕлӕ сезон бакӕныны рӕстӕгмӕ хъуама сцӕттӕ уа",- бафтыдта уый.
Уый ма банысан кодта, улӕфӕндонмӕ фӕндаг у ӕвзӕр уавӕры, фӕлӕ районы разамынад ныфс дӕтты йӕ сцалцӕг кӕнынӕй. Улӕфӕндонмӕ балцӕджы аргъ баззайдзӕн ӕнӕивгӕ - 10 бонӕн 14 мины.
Ног хабӕртты лентӕ
0