https://sputnik-ossetia.com/20230531/kotsoyty-arsen-khaniffyy-mlt-23612543.html
КОЦОЙТЫ АРСЕН. ХАНИФФÆЙЫ МÆЛÆТ
КОЦОЙТЫ АРСЕН. ХАНИФФÆЙЫ МÆЛÆТ
Sputnik Хуссар Ирыстон
Абон бакастæн газеты, уæртæ, дам, кæмдæр хохы цъасы, горæтæй сæдæ километры дæрддзæф, байгом ис рынчындон 25 сынтæгимæ, æмæ, дам, хъæууон совет уыйохыл сарæзта... 31.05.2023 мӕ, Sputnik Хуссар Ирыстон
2023-05-31T12:41+0300
2023-05-31T12:41+0300
2023-05-31T12:41+0300
коцойты арсен.уацмыстæ
хуссар ирыстоны
радио иронау
аудиочиныг
https://cdnn1.img.sputnik-ossetia.ru/img/07e7/05/1e/23612374_0:0:1445:812_1920x0_80_0_0_ab80a89d16649860e4621eee408ef919.png
КОЦОЙТЫ АРСЕН. ХАНИФФÆЙЫ МÆЛÆТ
Sputnik Хуссар Ирыстон
КОЦОЙТЫ АРСЕН. ХАНИФФÆЙЫ МÆЛÆТ
Абон бакастæн газеты, уæртæ, дам, кæмдæр хохы цъасы, горæтæй сæдæ километры дæрддзæф, байгом ис рынчындон 25 сынтæгимæ, æмæ, дам, хъæууон совет уыйохыл сарæзта стыр цины æмбырд. Куы бакастæн уый, уæд мæ зæрдыл æрлæууыди иу хабар. Рагон хабар. Уый уыди мæ уалдзыгон бонты рæстæджы. Ныр мæ æрæгвæззæджы бонты хъуамæ радзурон уыцы хабар. Хъæуы йæ радзурын. Тынг хъæуы. Стыр зонды скъола у ивгъуыд рæстæг, — фæкæсын æм-иу хъæуы хаттæй-хатт фæстæмæ.Уыцы сылгоймаг, Ханиффæ йæ ном, царди горæтæй дыууадæс версты дæрддзæф, стыр хъæуы (уыди дзы цыппарсæдæ хæдзары). Фæтæныстæг, фыдджын, цыма æхсыр æмæ туг йæ рустыл хъазыдысты, уый хуызæн хæрзуынд уыди Ханиффæ. Фæд-фæдыл ын, дыууæ азæй дыууæ азмæ, райгуырди цыппар лæппуйы, фæлæ рынчын никæд фæци. Йæ хæдзары йæхи йеддæмæ сылгоймаг фезмæлæг нæ уыди æмæ-иу, цы бон ныййардта, уыцы бон дæр хæдзары куыстытæ нæ уагъта.Иу хатт сыхæгтæ фæфиппайдтой, Ханиффæ тынг æнкъард кæй уыди, хæдзары куыстытæ дæр куыддæр æвæндонæй, химæ хъусгæйæ, кæй кодта. Йæ лæг Аслæнбег дæр фæхъуыды кодта Ханиффæйы æнкъарддзинад, фæлæ йæм хъус не ’рдардта, æнæмæтæй быдыры куыстытæ кодта.Иу райсом сыхæгты ус цæйдæр тыххæй бауади Ханиффæмæ, бадзырдта, фæлæ йын дзуапдæттæг нæ фæци. Къæсæры раз тымбылæй хуыссыди куыдз æмæ йыл уый зивæг хъырнд скодта. Фæкасти сыхæгты ус кæрты ’рдæм. Уым кæронæй бæлæсты бын хъазыдысты Ханиффæйы кæстæр лæппутæ. Сæ иу сдзырдта:— Нана хуысгæ кæны. Рынчын у.Дарддæр хъусут Sputnik Хуссар Ирыстоны.
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
2023
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
хуссар ирыстоны, радио иронау , аудиочиныг, аудио
хуссар ирыстоны, радио иронау , аудиочиныг, аудио
Абон бакастæн газеты, уæртæ, дам, кæмдæр хохы цъасы, горæтæй сæдæ километры дæрддзæф, байгом ис рынчындон 25 сынтæгимæ, æмæ, дам, хъæууон совет уыйохыл сарæзта стыр цины æмбырд. Куы бакастæн уый, уæд мæ зæрдыл æрлæууыди иу хабар. Рагон хабар. Уый уыди мæ уалдзыгон бонты рæстæджы. Ныр мæ æрæгвæззæджы бонты хъуамæ радзурон уыцы хабар. Хъæуы йæ радзурын. Тынг хъæуы. Стыр зонды скъола у ивгъуыд рæстæг, — фæкæсын æм-иу хъæуы хаттæй-хатт фæстæмæ.
Уыцы сылгоймаг, Ханиффæ йæ ном, царди горæтæй дыууадæс версты дæрддзæф, стыр хъæуы (уыди дзы цыппарсæдæ хæдзары). Фæтæныстæг, фыдджын, цыма æхсыр æмæ туг йæ рустыл хъазыдысты, уый хуызæн хæрзуынд уыди Ханиффæ. Фæд-фæдыл ын, дыууæ азæй дыууæ азмæ, райгуырди цыппар лæппуйы, фæлæ рынчын никæд фæци. Йæ хæдзары йæхи йеддæмæ сылгоймаг фезмæлæг нæ уыди æмæ-иу, цы бон ныййардта, уыцы бон дæр хæдзары куыстытæ нæ уагъта.
Иу хатт сыхæгтæ фæфиппайдтой, Ханиффæ тынг æнкъард кæй уыди, хæдзары куыстытæ дæр куыддæр æвæндонæй, химæ хъусгæйæ, кæй кодта. Йæ лæг Аслæнбег дæр фæхъуыды кодта Ханиффæйы æнкъарддзинад, фæлæ йæм хъус не ’рдардта, æнæмæтæй быдыры куыстытæ кодта.
Иу райсом сыхæгты ус цæйдæр тыххæй бауади Ханиффæмæ, бадзырдта, фæлæ йын дзуапдæттæг нæ фæци. Къæсæры раз тымбылæй хуыссыди куыдз æмæ йыл уый зивæг хъырнд скодта. Фæкасти сыхæгты ус кæрты ’рдæм. Уым кæронæй бæлæсты бын хъазыдысты Ханиффæйы кæстæр лæппутæ. Сæ иу сдзырдта:
— Нана хуысгæ кæны. Рынчын у.
Дарддæр хъусут Sputnik Хуссар Ирыстоны.
