Хуссар Иры рабæрæг ис хъихъгæнаг хуыфæджы низ

© Sputnik / Константин Чалабов /  Ахизын медиабанкмæРынчындон
Рынчындон - Sputnik Хуссар Ирыстон, 1920, 01.09.2023
Бафыссын
НовостиTelegram
ЦХИНВАЛ, 1 сен – Sputnik. Хуссар Ирыстоны фыццаг хатт бирæ азты дæргъы рабæрæг ис хъихъгæнаг хуыфæджы низ, фæстаг æртæ къуырийы республикæйы фыст æрцыдысты 15 рынчыны, ноджы уый бæрц æнхъæлмæ кæсынц лабораторон бæрæггæнæнтæм, фехъусын кодта Sputnik-æн республикæйы сæйраг педиатр Хæныкъаты Лариса.

"Хуссар Ирыстоны хъихъгæнаг хуыфæджы низæй рынчынты фылдæр кæныны аххосæгтæй иу у цæрджыты вакцинацийы æмвæзад кæй фæкъаддæр, уый. Хъуыдаг уый мидæг ис æмæ фæстаг фондз азы дæргъы республикæйы хъихъгæнаг хуыфæг нæ рабæрæг ис. Уый баст у нæ сывæлæттæ хорз вакцинацигонд кæй уыдысты, уыимæ. Фæлæ COVID-19 эпидемийы фæстæ уагъд цыдысты карантинон мадзæлттæ, вакцинацийы æмвæзад фæныллæгдæр ис", - загъта уый.

Ноджы иу аххосаг, Хæныкъаты Ларисайы хъуыдымæ гæсгæ, у ныййарджыты кæй нæ фæнды сывæллæттæн вакцинаци кæнын, уый. Республикæйы сæйраг педиатр æрсидт æмбæстæгтæм, цæмæй сæ сывæллæтæн иммунизаци кæной.
Ног хабӕртты лентӕ
0