Цхинвалы бакодтой Хетæгкаты Къостайы цырт

© Sputnik / Аслан ТедеевЦхинвалы бакодтой Хетæгкаты Къостайы цырт
Цхинвалы бакодтой Хетæгкаты Къостайы цырт - Sputnik Хуссар Ирыстон, 1920, 04.09.2023
Бафыссын
НовостиTelegram
ЦХИНВАЛ, 4 сен – Sputnik, Дзæгъиаты Олег. Хуссар Ирыстоны столицæйы ХИПУ бахизæны раз ацыд ирон литературон æвзаджы бындурæвæрæг Хетæгкаты Къостайы цырты бæрæгбонон баконд.
Мадзал бабæрæг кодтой республикæйы президент Гаглойты Алан, ахуырады министр Лолаты Аслан, ахуырад æмæ зонады фæдыл парламентон комитеты сæрдар Уырыгаты Инал, ХИПУ ректор Тедеты Вадим, ахуыргæнæндоны кусджытæ æмæ студенттæ.
Скульптурæ, кæцыйы автор у Уæрæсейы сгуыхт нывгæнæг Дзукаты Николай, сæвæрдтой университеты бахизæны галиуварс.
Дзукаты Николай загъта бузныг Хуссар Ирыстоны къухдариуæгад æмæ университеты ректор Тедеты Вадимæн уæлдай хъусдарды тыххæй культурæмæ.

"Хетæгкаты Къостайы цырты баконд у егъау цау Хуссар Ирыстонæн. Тынг æхсызгон мын у, нæ республикæйы ахæм хъусдрад кæй ис культурæ æмæ аивадмæ", - банысан кодта уый.

Дзукаты Николай бафтыдта, зæгъгæ, уый нывæнды балæвар кæнын ХИПУ-йæн Тыбылты Алыксандры бюст. Тыбылты Алыксандры цырт бакæныны церемони нывæндынц ауадзын 11 октябры, Университеты бындурæвæрды бон.
Ног хабӕртты лентӕ
0