Хуссар Иры премьер-министр бабæрæг кодта Инвестпрограммæйы фæлгæтты аразгæ объекттæ
© Sputnik / Михаил Авагимов
Рафыссын
ЦХИНВАЛ, 5 окт – Sputnik, Дзæгъиаты Олег. Хуссар Ирыстоны премьер-министр Джуссойты Константин басгæрста Инвестпрограммæйы фæлгæтты аразгæ объекттæ.
Хицауады сæрдаримæ инспекцион балцы уыдысты арæзтады министр Елдзарты Константин æмæ Комавтодоры сæргълæууæг Гæбæраты Алан.
Фыццаг объект, кæцы бабæрæг кодта хицауадон къорд, уыд хид Леуахийы сæрты.
Хуссар Иры премьер-министр бабæрæг кодта Инвестпрограммæйы фæлгæтты аразгæ объекттæ
© Sputnik / Михаил Авагимов
Арæзтады министр Елдзарты Константин куыд банысан кодта, афтæмæй сæрмагонд къахæн ифтонггарз, кæцы уый размæ æрластой хиды арæзтад фæтагъддæр кæнынæн, фехæлд, уый фæдыл куыстытæ æрурæдтой æртæ бонмæ.
"Цхинвалы цæрджыты цымыдис кæны, арæзтады процесс алыхатт цæмæн ныффæстид вæййы. Кæд уын куыстыты рæстæджы зындзинæдтæ фæзыны, уæд-иу фехъусын кæнут уый тыххæй. Хъæуы фæтагъддæр кæнын арæзтады темптæ æмæ раттын объект эксплуатацимæ нысангонд æмгъуыдмæ", - бахахх кодта премьер.
Хуссар Иры премьер-министр бабæрæг кодта Инвестпрограммæйы фæлгæтты аразгæ объекттæ
© Sputnik / Михаил Авагимов
Афтæ ма хицауады сæрдар басгæрста куыстыты цыд Козаты уынгыл, афтæ ма микрорайон "Мæскуыйаг"-ы Путин æмæ Медведевы уынгтыл.
Балцы кæрон Джуссойты Константин банысан кодта, иумæйагæй райгондæй кæй баззад арæзтады темптæй.
"Путин æмæ Медведевы уынгты хæрзарæзтад цæуы æмгъуыдмæ гæсгæ. Фиппаинæгтæ дзы нæй. Хиды арæзтады та фехæлд техникæ, уый фæдыл куыстытæ æрурæдтой. Фæлæ æввахс рæстæджы уый сцалцæг кæндзысты æмæ арæзтад адарддæр уыдзæн. Иумæйагæй куыстытæ цæуынц графикмæ гæсгæ", - бахахх кодта премьер.
Хуссар Иры премьер-министр бабæрæг кодта Инвестпрограммæйы фæлгæтты аразгæ объекттæ
© Sputnik / Михаил Авагимов
