Уыцы изæр райæххæсткомы сæйраг агроном Доййаты Хъамболаты хæдзары хорз хабæрттæ нæ уыд.
Иудзырдæй, йæ усы мад Ненуца хъуг дыгъд куы фæцис, уæд бедра тыргъы цæджындзыл сæгъы сыкъайыл сауыгъта. йæ къухтæ йæ раздарæнæй асæрфта æмæ роды цурмæ бацыд. Бурбын род, иу-æхсæз къуырийы кæуыл цыдаид, ахæм, бамбæрста, Ненуца йæм уæгъд кæнынмæ кæй цæуы, уый, æмæ йæхи ивæзта, йæ къæдзил тагъд-тагъд тилгæйæ. Ненуца йын йæ бæттæн феуæгъд кодта æмæ род, чъыллиппытæ кæнгæ, йæ мады цур балæууыд. Фæдджытыл йæхи ныццавта.
Мад басмыстытæ кодта родмæ, йæхи род у, ууыл дызæрдыг куынæуал кодта, уæд æй йæ дæрзæг æвзагæй астæрдта æмæ Ненуцайæ цы ᾿хсыр æмбæхста, уый йын парахатæй æруагъта.
Епхиты Тæтæрийы роман "Размæ"-йы аудиоверсимæ хъусут Sputnik Хуссар Ирыстоны.
