Хуссар Иры президент раарфæ кодта Контролон-нымайæн палатæйы кусджытæн сæ бæрæгбоны цытæн
12:20 27.03.2024 (Ранӕуӕггонд: 14:03 27.03.2024)
© Sputnik / Михаил Авагимов
Рафыссын
ЦХИНВАЛ, 27 мар – Sputnik. Хуссар Иры президент Гаглойты Алан раарфæ кодта Контролон-нымайæн палатæйы кусджытæн уагдоны сæвзæрды 17-æм афæдзы боны цытæн.
"Æз тынг хорз хъуыды кæнын, цас проблемæтæ уыд, цæмæй райсой закон уагдон саразыны фæдыл. Фæлæ йæ куы райстой, уæд иууылдæр бамбæрстой, æнæ ахæм структурæйæ кæй нæй гæнæн. Сæйраджыдæр, 2008 азы фæстæ, республикæмæ егъау финансон æххуыс куы райдыдта цæуын, уæд", - загъта президент.
Бæрæгбонон æмбырды фæстæ Гаглойты Алан радта Контролон-нымайæн палатæйы хуыздæр кусджытæн майдантæ æмæ кады грамотæтæ.
