Владимир Путин раарфӕ кодта Гаглойты Аланӕн Стыр Фыдыбӕстон хӕсты Уӕлахизы цытӕн
© Sputnik / Наталья АйриянУӕлахизы бон
![Уӕлахизы бон Уӕлахизы бон - Sputnik Хуссар Ирыстон, 1920, 08.05.2024](https://cdnn1.img.sputnik-ossetia.ru/img/412/58/4125880_0:0:4903:2757_1920x0_80_0_0_2b9528cd773fe6ed6463d53166cf3d73.jpg)
© Sputnik / Наталья Айриян
Рафыссын
ЦХИНВАЛ, 8 май – Sputnik. Уӕрӕсейы президент Владимир Путин арвыста арфӕйы телтӕ Уӕлахизы боны цытӕн Хӕдбар паддзахадты ӕмбалады (ХПӔ) бӕстӕтӕ, Абхаз ӕмӕ Хуссар Ирыстоны лидертӕн, хъусын кӕны Кремлы пресс-службӕ.
"Стыр Фыдыбӕстон хӕсты Уӕлахизы 79-ӕм афӕдзы боны цытӕн Уӕрӕсейы Федерацийы президент Владимир Путин арвыста арфӕйы телтӕ, Азербайджан, Сомих, Белорусси, Казахстан, Киргизи, Таджикистан, Туркменистан, Узбекистан, Абхаз ӕмӕ Хуссар Ирыстоны лидертӕн, афтӕ ма Гуырдзыстон ӕмӕ Молдавийы адӕмтӕн", - дзырдӕуы хъусинаджы.
Владимир Путин йӕ арфӕйы телы фидарӕй загъта, ӕфсымӕрон хӕларад дарддӕр кӕй уыдзӕн бындур ахастыты райрӕзтӕн. Афтӕ ма уӕрӕсейаг лидер бузныг загъта Стыр Фыдыбӕстон хӕсты ветерантӕн.