Цӕгат Иры сбӕрӕг сты Хетӕгкаты Къостайы премийы номинанттӕ
11:22 12.07.2024 (Ранӕуӕггонд: 11:39 12.07.2024)
© Sputnik / Наталья АйриянХетӕгкаты Къоста
![Хетӕгкаты Къоста Хетӕгкаты Къоста - Sputnik Хуссар Ирыстон, 1920, 12.07.2024](https://cdnn1.img.sputnik-ossetia.ru/img/732/54/7325467_0:0:3000:1688_1920x0_80_0_0_f35348ec5abbee85be6b9e4efb5725bf.jpg)
© Sputnik / Наталья Айриян
Рафыссын
ЦХИНВАЛ, 12 июл – Sputnik. Хӕтӕгкаты Къостайы номыл Паддзахадон премийы фӕдыл къамис конкурсмӕ равзӕрста фараст куысты. Уыдон хауынц "Литературӕ" ӕмӕ "Аивад", зӕгъгӕ, ахӕм номинацитӕм – фехъусын кодта Цӕгат Ирыстоны сӕргълӕууӕджы ӕмӕ хицауады пресс-службӕ. Ацы аз преми лӕвӕрд цӕудзӕн 29 хатт.
Къамисы уӕнгтӕ ӕркастысты, 2022-2023 азты Цӕгат Ирыстоны аивадон культурӕмӕ ахадгӕ хайбавӕрд чи бахаста ӕмӕ адӕмы зӕрдӕмӕ фӕндаг чи ссардта, уыцы авторты куыстытӕм.
Афтӕмӕй, номинаци "Литературӕ"-йы архайынц:
Бызыккаты Земфирӕ (ӕмдзӕвгӕты ӕмбырдгонд "Уалдзӕджы цин" ирон ӕвзагыл)
Дауыраты Дамир (чиныг "Портрет осетина на Луне" уырыссаг ӕвзагыл)
Торчынты Хъазыбег (Мэлс) (ӕмдзӕвгӕйӕ фыст роман "Зейнап" уырыссаг ӕмӕ ирон ӕвзагыл)
Тъехты Валентин (чиныг "Бонтӕ ӕмӕ ӕхсӕвтӕ" ирон ӕвзагыл)
Хетӕгкаты Оксанӕ, Тъехты Тамерлан, Ӕлборты Дианӕ (проект "Литература без границ")
Коцты-Агайты Кларӕ (энциклопеди "Мой Иристон" уырыссаг ӕвзагыл).
![Рукопись Рукопись - Sputnik Хуссар Ирыстон, 1920, 12.07.2024](https://cdnn1.img.sputnik-ossetia.ru/img/403/79/4037957_0:0:3076:2048_1920x0_80_0_0_b1b6f846974695980d5de322f79dda77.jpg)
Къухфыст
© Sputnik / Владимир Астапкович
/ Номинаци "Аивад"-ы сты:
Джыккайты Мурӕт (сери "Ирон Нартиадӕ")
Цӕллагаты Виктор (аивадон уацмысты сери этноисторион темӕйыл)
Годжыцаты Изольдӕ ("Нартӕ. Рагон аивады ног дуг", зӕгъгӕ, ахӕм спектакльмӕ хуыд дарӕсы коллекци).
© Photo : фото Тамилы ТаболовойЦӕллагаты Викторы куыстытӕ
![Серия художественных произведений на этноисторическую тему кисти Виктора Цаллагова Серия художественных произведений на этноисторическую тему кисти Виктора Цаллагова - Sputnik Хуссар Ирыстон, 1920, 12.07.2024](https://cdnn1.img.sputnik-ossetia.ru/img/07e8/07/0c/29776043_0:0:1920:1080_1920x0_80_0_0_82ef0f76c0929e2820b97606ba4f98e1.jpg)
Цӕллагаты Викторы куыстытӕ
© Photo : фото Тамилы Таболовой
Ӕдӕппӕтӕй преми райсыны охыл сӕ куыстытӕ балӕвӕрдтой 13 авторы ӕмӕ авторон коллективы.
Уӕлахиздзауты нӕмттӕ сбӕрӕг уыдзысты 2024 азы 15 октябры – ирон литературон ӕвзаджы бындурӕвӕрӕг Хетӕгкъаты Къостайы райгуырӕн боны.