Цъинагары скъолайы сараздзысты автономон хъармгӕнӕн системӕ

© Sputnik / Елена КулумбеговаЦъинагары скъола
Цъинагары скъола - Sputnik Хуссар Ирыстон, 1920, 01.08.2024
Рафыссын
ЦХИНВАЛ, 1 авг - Sputnik, Плиты Фатимӕ. Хуссар Ирыстоны Ленингоры районы ахуырадон уагдӕттӕ цӕттӕ кӕнынц ног ахуырадон азмӕ, ӕмбӕлон барамынд радта районы администрацийы сӕргълӕууӕг Уалыты Муртаз. Уый тыххӕй фехъусын кодта районы администрацийы пресс-службӕйы разамонӕг Кокойты Анжела.
"Уӕлдай хъусдард здӕхт у Цъинагары астӕуккаг скъоламӕ, цы ран фӕуд кӕны капиталон цалцӕг. ЦКХ ауагъта егъау куыст ахуырадон бӕстыхӕйтты рудзгуытӕ, дуӕрттӕ ӕмӕ рухсытӕ раивыны фӕдыл", - загъта Кокойты Анжела.
Йӕ ныхӕстӕм гӕсгӕ, ахуырадон уагдоны сарӕзтой автономон хъармгӕнӕн системӕ дӕр.
"Скъолайы ныр уыдзӕн ног автономон хъармгӕнӕн системӕ. Уый размӕ Цъинагары скъола хъарм кодтой сугты пецтӕй ӕмӕ электрон хъармгӕнӕн ифтонгадӕй", - бахахх кодта пресс-секретарь.
Ног хабӕртты лентӕ
0