Цӕгат Ир арвыста Запорожаг областы сывӕллӕттӕн гуманитарон ӕххуыс
© Photo : Telegram / Сергей Меняйло
Рафыссын
ЦХИНВАЛ, 5 дек - Sputnik. Цӕгат Ирыстоны ахуырады министрад "Иугонд Уӕрӕсе"-йы регионалон дӕлхайадимӕ арвыста гуманитарон уаргъ Запорожаг областы Черниговы муниципалон зылды цӕрджытӕн, фехъусын кодта республикӕйы сӕргълӕууӕг Сергей Меняйло.
"Гуманитарон уаргъы ис: уырыссаг ӕвзаг ӕмӕ литературӕйы чингуытӕ, канцтовартӕ, хъазӕнтӕ, спортивон ифтонггарз, зымӕгон дарӕс ӕмӕ афтӕ дарддӕр. Фӕнды мӕ, цӕмӕй уыцы сывӕллӕттӕ зоной, Ирыстон кӕй ис сӕ фарсмӕ ӕмӕ сын ӕххуыс кӕндзӕн цас бахъӕуа, уый бӕрц", - ныффыста Сергей Меняйло йӕ телеграм-каналы.
Гуманитарон ӕххуыс ныридӕгӕн фӕхӕццӕ кодтой Бердянскмӕ, цы ран ӕй байуардзысты ахуырадон уагдӕттыл.
