Баку цæттæ у Мæскуы æмæ НАТО-йы ахастытæ фæхуыздæр кæныныл бацархайынмæ

© POOL /  Ахизын медиабанкмæИльхам Алиев
Ильхам Алиев - Sputnik Хуссар Ирыстон, 1920, 18.12.2024
Рафыссын
ЦХИНВАЛ, 18 дек – Sputnik. Азербайджан цæттæ у Уæрæсе æмæ НАТО-йы ахастыты æндыгъддзинад фæкъаддæр кæныныл бацархайынмæ. Уый тыххæй Азербайджаны президент Ильхам Алиев фехъусын кодта, æхсæнадæмон медиакъорд "Россия сегодня"-йы генералон директор Дмитрий Киселевæн интервью дæтгæйæ.
"Куы бахъæуа, уæд цæттæ стæм æндыгъддзинад фæкъаддæр кæныны хъуыддагмæ не `вæрæн бахæссынмæ", – загъта Алиев.
Алиевы ныхæстæм гæсгæ, Ныгуылæны дæр æмæ Скæсæны дæр Бакуйы нымайынц хæдхъом архайæгыл, Азербайджан та æмрæстæджы у Уæрæсейы цæдисон дæр æмæ Турчы – НАТО-йы уæнджы – цæдисон дæр.

"Афтæмæй махæн нæ цæдисон хæстæ иувæрсыг не сты æмæ, бæгуыдæр, архайдзыстæм реалон уавæртæм гæсгæ. Чи зоны, Азербайджаны `ххуыс дæр бахъæуа. Ам ацыдысты Уæрæсейы æфсады генералон штабы разамонæг æмæ НАТО-йы æфсæдон комитеты сæргълæууæджы фембæлдтæ. Иугонд Штатты æмæ Уæрæсейы æфсæддон къухдариуæгад дæр Бакуйы æмбæлдысты. Æмæ йæ хуымæтæджы нæ равзæрстой. Ныгуылæны дæр, Уæрæсейы дæр æмæ Скæсæны дæр кæуыл æууæндынц, ахæм бæстæтæ бирæ не сты", – бафиппайдта президент.

Ног хабӕртты лентӕ
0