Цхинвалы 1-æм скъолайы расидтысты Стыр Уæлахизы 80 азы юбилеймæ акцитæ
12:57 22.04.2025 (Ранӕуӕггонд: 13:07 22.04.2025)
© Sputnik / Аманда Томаева
Рафыссын
ЦХИНВАЛ, 22 апр — Sputnik. Фыдыбæстæйы Стыр хæсты Уæлахизы кадæн Цхинвалы 1-æм съколайы сарæзтой мадзал. Уым фехъусын кодтой, кæй расидтысты æртæ акцийы: "Уæлахизы салдат", "Уæлахизы рудзгуытæ" æмæ "Уæлахизы къул".
Скъолайы директор Гобозты Русудан Sputnik-æн радзырдта, стыр бæрæгбонмæ сæхи куыд цæттæ кæнынц, уый тыххæй.
"Бæрæгбоны программæйы архайынц кълæстæ се ’ппæт дæр. Алкæцы кълас дæр райста иу хъайтар горæты. Сывæллæттæ аразынц проекттæ, видеоæрмæджытæ, ныв кæнынц, фыссынц. Уыцы проекттæ хъахъхъæндзысты къæпхæнгай. 30 апрелмæ бæцæттæ кæндзысты хъайтар горæтты тыххæй равдыст", – загъта уый.
1-æм скъолайы кадджын мадзал
© Sputnik / Аманда Томаева
Гобозты Русудан ма куыд бафиппайдта, афтæмæй скъола саив кодтой Уæлахизы символикæйæ, сывæллæтты æмæ ахуырдзауты конд баннертæй. Радзырдта дарддæры фæндты тыххæй дæр:
"5 майы нæм уыдзæн мадзал "Фыдыбæстæйы Стыр хæсты зарджытæ". Æнæхъæн скъола акæндзæн зындгонд зарджытæ: "Катюша", "Священная война" æмæ "День Победы"; 7 майы Мæскуыйаг микрорайоныл сараздзыстæм "Уæлахизы кросс"; 8 майы та нæм уыдзæн, ныр 10 азы кæй кæнæм, уыцы акци – "Уæлахизы цырагъ". Скъоладзаутæ æмæ ахуыргæнджытæ æрæмбырд уыдзысты скъолайы цур æмæ ссудздзысты цырæгътæ, айзæлдзысты хæстыл фыст зарджытæ æмæ æмдзæвгæтæ. Афтæ ма мартæй скъолайы библиотекæйы кæсæм хæстыл ист кинонывтæм æмæ сæ стæй равзарæм", – загъта Гобозты Русудан.
1-æм скъолайы кадджын мадзал
© Sputnik / Аманда Томаева
