Дмитрий Киселев ӕрсидт саразын къахдзӕф Мӕскуы ӕмӕ Бакуйы ӕхсӕн ахастыты цалцӕгмӕ
© Sputnik
Рафыссын
ЦХИНВАЛ, 30 июл - Sputnik. Медиакъорд "Россия сегодня"-йы генералон директор Дмитрий Киселев ӕрсидт саразын къахдзӕф Мӕскуы ӕмӕ Бакуйы ӕхсӕн ахастыты цалцӕгмӕ ӕмӕ ссӕрибар кӕнын уӕрӕсейаг журналистты.
"Абон сӕххӕст иу мӕй, нӕ коллегӕ-журналисттӕ Игорь Картавых ӕмӕ Евгений Белоусов, Уӕрӕсейы ӕмбӕстӕгтӕ, ӕнӕаххосӕй куы сты ахст Азербайджаны. Фӕнды мӕ ногӕй банысан кӕнын, Агентады ӕппӕт редакцион политикӕ здӕхт у хӕларадон бастдзинӕдтӕ сфидар кӕнынмӕ цы бӕстӕты стӕм, уыдоны. Ацы къахдзӕф чи сӕххӕст кодта, уый ӕмбӕрста, журналистты ӕнӕаххосӕй куы ӕрцахсой, уӕд уый ӕркӕндзӕн ӕндыгъд уавӕрмӕ Уӕрӕсе ӕмӕ Азербайджаны ӕхсӕн. Ныр гӕнӕн ис ссӕрибар кӕнын Игорь Картавых ӕмӕ Евгений Белоусовы ӕмӕ уымӕй саразын къахдзӕф ахастытӕ сцалцӕг кӕнынмӕ", - банысан кодта Дмитрий Киселев.
Sputnik-ы редакцийы сӕргълӕууӕг Игорь Картавых ӕмӕ шеф-редактор Евгений Белоусовы ӕрцахстой Бакуйы 30 июны. Уый размӕ Уӕрӕсе ӕмӕ Азербайджаны ӕхсӕн ахастытӕ февзӕрдӕр сты Екатеринбургы азербайджанаг диаспорӕйы минӕвӕртты кӕй ӕрцахстой, уый тыххӕй.
