Матвиенко банымадта Гуцулы фӕдыл тӕрхон "политикон репрессийы актыл"
© Пресс-служба Совета Федерации РФ
/ Рафыссын
ЦХИНВАЛ, 6 авг – Sputnik. Уӕрӕсейы Федерацийы Советы разамонӕг Валентина Матвиенко банымадта Гагаузы автономийы сӕргълӕууӕг Евгения Гуцулы ныхмӕ тӕрхон "политикон респрессийы актыл".
"Уыдон сӕрибарӕй аскъуыддзаг кодтой фӕзын кӕнын Молдавийы къухдариуӕгад бацахсын сӕ чи хъыгдары, уыцы адӕймаджы политикон цард, афтӕ ма бирӕ азтӕм ахӕстоны сбадын кодтой дыууӕ ӕнахъом сабийы мады. Ӕмӕ ацы антигуманизмы акты фарс балӕууыд Европӕ, ууыл дызӕрдыг кӕнын нӕ хъӕуы. Ацы цау у ноджы иу ӕвдисӕн, цахӕм карз ӕмӕ ӕнӕуд фӕархайы евродемократийы машинӕ йӕ нысӕнттӕ сӕххӕст кӕнынӕн", - банысан кодта Матвиенко.
Валентина Матвиенко ӕрсидт ӕхсӕнадӕмон барадхъахъхъӕнӕг организацитӕм, цӕмӕй сӕ цӕст ӕрдарой Евгения Гуцулы уавӕрмӕ ӕмӕ саразой къахдзӕфтӕ йӕ бартӕ бахъхъхъӕнынӕн.
