Знауыры районы скъолатæ æрцæттæ кодтой ног ахуыры азмæ
11:40 05.09.2025 (Ранӕуӕггонд: 11:51 05.09.2025)
© Sputnik / Natalia Airiyan
Рафыссын
ЦХИНВАЛ, 5 сен — Sputnik. Знауыры районы цыппар скъолайы ног ахуыры азмæ ацыдысты цалцæггæнæн куыстытæ. Уый тыххæй фехъусын кодта районы ахуырады хайады разамонæг Гæбæраты Эльвирæ.
"Цалцæг кодтой Знауыры, Балтайы, Бехъмары æмæ Терегуаны скъолатæ. Знауыры скъолайы хæрзарæзт скодтой кæрт, Балтайы аразынц спортивон зал, фæлæ уый ахуырадон процессы нæ бакъуылымпы кæндзæн. Терегуаны скъолайы цалцæг æрцыд хæрæндон. Бехъмары куыстытæ кæронмæ нæма ахицæн сты, фæлæ сывæллæттæ ахуыр кæндзысты, арæзт чи фæци, уыцы кълæсты", – бамбарын кодта Гæбæраты Эльвирæ.
Ацы аз районы скъолаты ахуыр кæндзæн 281 сывæллоны. Кадртыл дзургæйæ бафиппайдта, бынæттон специалисттæн сын алы хатт кæй нæ фæфаг кæны, уымæ гæсгæ сæм иуæй-иу ахуыргæнджытæ æрцæуынц горæтæй.
