https://sputnik-ossetia.com/20251010/khussar-ir-egau-madzltty-banysan-kndzn-abayty-vasoyy-yubiley-35507679.html
Хуссар Ир егъау мадзæлттæй банысан кæндзæн Абайты Васойы юбилей
Хуссар Ир егъау мадзæлттæй банысан кæндзæн Абайты Васойы юбилей
Sputnik Хуссар Ирыстон
ЦХИНВАЛ, 10 окт — Sputnik, Плиты Фатимæ. Хуссар Ирыстоны фæззæджы банысан кæндзысты номдзыд ахуыргонд-лингвист, иранист Абайты Васойы 125 азы юбилей... 10.10.2025 мӕ, Sputnik Хуссар Ирыстон
2025-10-10T10:00+0300
2025-10-10T10:00+0300
2025-10-10T10:00+0300
хуссар ирыстоны
ног хабӕрттӕ
зонад
ӕхсӕнад
хипу
https://cdnn1.img.sputnik-ossetia.ru/img/07e7/06/06/23723889_0:160:3072:1888_1920x0_80_0_0_97be98368b19ef48e0ece981257a1a42.jpg
ЦХИНВАЛ, 10 окт — Sputnik, Плиты Фатимæ. Хуссар Ирыстоны фæззæджы банысан кæндзысты номдзыд ахуыргонд-лингвист, иранист Абайты Васойы 125 азы юбилей. Республикæйы бацæттæ кæндзысты мадзæлтты цикл, радзырдта Sputnik-æн ахуыргонды Хæдзар-музейы директор Остъаты Мæдинæ.Юбилейон программæйы фæлгæтты Хуссар Ирыстоны паддзахадон университет æмæ Зонад-иртасæн институты кусджытæ ауадздзысты лекцитæ æмæ фембæлдтæ республикæйы æппæт районты.Отсъаты Мæдинæ бахахх кодта, Абайты Васойы юбилеймæ кæй цæттæ кæнынц документалон киноныв. Проектыл кусы ХИПУ-йы сфæлдыстадон коллектив Джиоты Аллайы къухдариуæгады бын.Остъаты Мæдинæйы ныхæстæм гæсгæ, фильмы хронометраж уыдзæн егъау – хайад дзы райстой 17 спикеры. Кинонывы уыдзысты Абайты Васойæн нывонд уникалон архивон кадртæ.Уымæй дарддæр юбилеймæ цæттæ кæнынц рауадзын Абайты Васойы магнитофонон лекциты бындурыл чиныг "Древнеиранские языки и тексты по аудиозаписям 1982–1984 годов". Æрмæджытæ бавдыста ХИПУ-йы профессор Битарты Зоя, банысан кодта Остъаты Мæдинæ.Афтæ ма ХИПУ-йы фæзуатыл ноябры ацæудзæн æхсæнадæмон зонадон-практикон конференци "Наследие Василия Ивановича Абаева". Уымæй дарддæр республикæйы æртыккаг хатт ацæудзæн Абайты Васойы номарæн турнир тагъд шахматтæй. Мадзал сорганизаци кæндзæн Хæдзар-музей Хуссар Ирыстоны шахматты федерациимæ иумæ.
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2025
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, ног хабӕрттӕ, зонад, ӕхсӕнад, хипу
хуссар ирыстоны, ног хабӕрттӕ, зонад, ӕхсӕнад, хипу
Хуссар Ир егъау мадзæлттæй банысан кæндзæн Абайты Васойы юбилей
ЦХИНВАЛ, 10 окт — Sputnik, Плиты Фатимæ. Хуссар Ирыстоны фæззæджы банысан кæндзысты номдзыд ахуыргонд-лингвист, иранист Абайты Васойы 125 азы юбилей. Республикæйы бацæттæ кæндзысты мадзæлтты цикл, радзырдта Sputnik-æн ахуыргонды Хæдзар-музейы директор Остъаты Мæдинæ.
"Республикæйы ацæудзысты бирæнымæц мадзæлттæ. Клуб "Аполлон"-имæ мах цæттæ кæнæм Абайты Васойæн нывонд изæр. Мадзал ацæудзæн ахуыргонды Хæдзар-музейы", - загъта директор.
Юбилейон программæйы фæлгæтты Хуссар Ирыстоны паддзахадон университет æмæ Зонад-иртасæн институты кусджытæ ауадздзысты лекцитæ æмæ фембæлдтæ республикæйы æппæт районты.
Отсъаты Мæдинæ бахахх кодта, Абайты Васойы юбилеймæ кæй цæттæ кæнынц документалон киноныв. Проектыл кусы ХИПУ-йы сфæлдыстадон коллектив Джиоты Аллайы къухдариуæгады бын.
Остъаты Мæдинæйы ныхæстæм гæсгæ, фильмы хронометраж уыдзæн егъау – хайад дзы райстой 17 спикеры. Кинонывы уыдзысты Абайты Васойæн нывонд уникалон архивон кадртæ.
Уымæй дарддæр юбилеймæ цæттæ кæнынц рауадзын Абайты Васойы магнитофонон лекциты бындурыл чиныг "Древнеиранские языки и тексты по аудиозаписям 1982–1984 годов". Æрмæджытæ бавдыста ХИПУ-йы профессор Битарты Зоя, банысан кодта Остъаты Мæдинæ.
Афтæ ма ХИПУ-йы фæзуатыл ноябры ацæудзæн æхсæнадæмон зонадон-практикон конференци "Наследие Василия Ивановича Абаева". Уымæй дарддæр республикæйы æртыккаг хатт ацæудзæн Абайты Васойы номарæн турнир тагъд шахматтæй. Мадзал сорганизаци кæндзæн Хæдзар-музей Хуссар Ирыстоны шахматты федерациимæ иумæ.
