06:53 26 ХУЫМГÆНÆНЫ МÆЙ 2018
Комкоммӕ эфир
Гасситы Мурæт

Гасситы Мурæт балæвар кодта 25 билеты йæ тохмæ

Цӕгат Ирыстон
Чысыл дӕнцӕг
41 0 0

Ног азы къæсæрыл ирон боксер сарæзта лæвар йæ чысыл коллегæтæн

ЦХИНВАЛ, 29 дек — Sputnik. IBF версимæ гæсгæ дунейы чемпион Гасситы Мурæт Ирыстоны æрыгон боксертæн ногазон лæвары хуызы радта 25 билеты WBA версимæ гæсгæ дунейы чемпион Юниер Дортикосимæ тохмæ, хъусын кæны 15 регион.

Фембæлд ацæудзæн 3 февралы Сочийы.

Боксертæн билеттæ радтой чемпионы æфсымæр, организаци "Ирон Легион" хистæр Гасситы Дауыт æмæ Хуссар Ирыстоны æмæ Уæрæсейы сгуыхт тренер Сланты Виталий

Амæй размæ дунейы чемпионы сæрмагонд æрвылмæйон стипендиты хицæуттæ ссисты тренертæ Сланты Виталий, Сланты Владимир æмæ Тедеты Аликы хъомылгæнинæгтæ: боксер Чилæхсаты Таир, Уæрæсейы фыццагады уæлахиздзау, Европæ-2017 æрыгæтты æхсæн фыццагады финалист Тадтаты Валерий æмæ æппæтуæрæсейаг физкультурон-спортивон æхсæнад "Юность России"-йы фыццагады уæлахиздзау юниорты æхсæн Тыбылты Александр.

Гасситы Мурæты стипендийы фæлгæтты спортсментæ исынц æрвылмæйон фиддонтæ: Чилæхсаты Таир – 10 мин сомы, Тадтаты Валерий æмæ Тыбылты Александр та фæйнæ 5 мины.

Сӕйраг темӕтӕ