05:12 16 ЦЫППУРСЫ МÆЙ 2018
Комкоммӕ эфир
  • EUR75.39
  • USD66.43
Ӕрыгон цхинвайлаг зарæггæнæг ссис æхсæнадæмон фестивалы призер

Ӕрыгон цхинвайлаг зарæггæнæг ссис æхсæнадæмон фестивалы призер

© АРТ-Центр
Хуссар Ирыстоны
Чысыл дӕнцӕг
34 0 0

Ӕрыгон артист райста фыццаг бынат Сывæллæтты æмæ фæсивæды сфæлдыстады æхсæнадæмон фестиваль-конкурсы "Окно в Европу"

ЦХИНВАЛ, 13 фев — Sputnik, Уалыты Диана. Колыты Аксойы номыл аивæдты паддзахадон лицейы ахуыргæнинаг Плиты Олег ссис Ӕхсæнадæмон фестиваль "Окно в Европу"-йы фыццаг къæпхæны лауреат, эстрадон джазон вокалы номинацийы 15-17 азы кары категорийы. Уый тыххæй Sputnik радзырдта уæлахиздзауы мад Джыккайты Алена. Конкурс цыд 12-15 февралы Санкт-Петербурджы.

"Фестивалы иста хайад 1200 адæймаджы. Конкурс цыд æртæ турæй жюрийы æргом хъæлæскæнынадæй. Алы туры фæстæ дæр иу ахауд хайадисджыты 50%, æмæ мах æнхъæл нæ уыдыстæм æртыккаг турмæ ахизын, уæлдайдæр та рамбулын. Ӕнæнхъæлæджы æмæ нын æхсызгон уыд", — загъта уый.

Плиты Олег хъахъхъæдта Аивæдты лицейы аивадон кад æмæ конкурсмæ йæхи цæттæ кодта Гатыгкоты Нинайы къухдариуæгады бын. Фестивалы уый райста иугъуызон нымæц баллтæ æндæр хайадисæгимæ Санкт-Петербургæй æмæ адих кодта йемæ фыццаг бынат.

Сывæллæтты æмæ фæсивæды сфæлдыстады æхсæнадæмон фестиваль-конкурс "Окно в Европу" арæзт æрцыд Петербурджы Аивад æмæ культурæйы сывæллæтты центры хъæппæрисæй. Фестивалы нысан у курдиатджын фæсивæдон коллективтæ æмæ æрыгон зарæггæнджыты æндæр æмæ æндæр номинациты æмæ кары категориты раргом кæнын.

Сӕйраг темӕтӕ