17:33 18 СУСÆНЫ МÆЙ
 2018
Комкоммӕ эфир
  • EUR73.13
  • USD62.90
Тедеты Улифан

Тедеты Улифаны бавæрдзысты æфсæддон цытимæ

Facebook
Хуссар Ирыстоны
Чысыл дӕнцӕг
5 0 0

Легендарон æфсæддон фæтæджы зиан бавæрыны бæрн йæхимæ райста хъхъхъæнынады министрады сæрмагонд къамис

ЦХИНВАЛ, 17 апр — Sputnik. Хуссар Ирыстоны йе ʻнусон бынатмæ фæндараст кæнынц хъахъхъæнынады структурæйы бындурæвæрджытæй иуы — инæлар-майор Тедеты Улифаны. Зиан бавæрын йæ бæрны бакодта Хъахъхъæнынады министрад, хъусын кæны уагдоны пресс-службæ.

Нысан æрцыд, хъахъхъæнынады министры х.æ. барамындæй арæзт кæй æрцыд сæрмагонд къамис, кæцы йæхимæ райсдзæн зиан бавæрыны хъуыддаг.

"Тедеты Улифаны зиан бавæрыны хæрдзтæ иууылдæр йæхимæ райста хъахъхъæнынады министрад. Инæлары бавæрдзысты æфсæддон кадимæ министрады цытжын хъарагъулы хайадистæй", — дзырдæуы хъусинаджы.

Хуссар Ирыстоны дæргъвæтин рынчыны фæстæ йæ цардæй ахицæн инæлар-лейтенант, орден "Уацамонгæ"-йы кавалер – Тедеты Улифан.

Тедеты Улифан иста активон хайад ивгъуыд æнусы 90-æм æзты гуырдзиаг агрессийы ныхмæ тохты. Уый разамынд лæвæрдта хибахъахъхъæды штабæн, фæстæдæр ссис хъахъхъæнынады министрады штабы сæргълæууæг.

Тедеты Улифан 32 азы службæ кодта ССРЦ-ы Гарзджын тыхты, иста хорзæхтæ. Уыдонæй иу – "Ӕфсæддон сгуыхтты тыххæй" майдан, кæцы фидар æрцыд ССРЦ-ы Уæлдæр Советы Президиумы барамындæй.

Сӕйраг темӕтӕ