18:55 27 ЗÆРДÆВÆРÆНЫ МÆЙ
 2018
Комкоммӕ эфир
  • EUR72.12
  • USD61.67
Президентӕн радзырдтой 2018-2019 ӕзты Инвестпрограммӕйы реализацийы тыххӕй

Цхинвалы сӕрды ӕрӕвналдзысты ӕхсӕз уынджы хӕрзарӕзтадмӕ

© Пресс-служба президента РЮО.
Хуссар Ирыстоны
Чысыл дӕнцӕг
13 0 0

Президентӕн радзырдтой 2018-2019 ӕзты Инвестпрограммӕйы реализацийы тыххӕй

ЦХИНВАЛ, 15 май — Sputnik. Хуссар Ирыстоны столицӕйы сӕрды райдайӕны ӕрӕвналдзысты ӕхсӕз уынджы хӕрзарӕзтадмӕ, фехъусын кодта республикӕйы арӕзтады министр Зӕгъойты Эдуард 2018-2019 ӕзты инвестпрограммӕйы реализацийы фӕдыл ӕмбырды. Ӕмбырд ауагъта Хуссар Ирыстоны президент Бибылты Анатолий, хъусын кӕны паддзахады сӕргълӕууӕджы пресс-службӕ.

Бӕстӕйы сӕргълӕууӕг ӕрфарста хицауады кусджыты, инвестпрограммӕйы цал объектӕн сты цӕттӕ сӕ проектон-сметӕйон документаци.

"Проектон-сметӕйон документаци у цӕттӕ инвестпрограммӕйы ӕхсӕз объектӕн. Уыдон сты Чиаты Иосифы, Джыгкайы фырты ӕмӕ Нӕртон уынгтӕ, бирӕфатерон хӕдзар Хъайтарты уынгыл, фӕндӕгтӕ Гуфта-Къуайса ӕмӕ Гром-Цъинагар", — радзырдта Зӕгъойты Эдуард.

Йӕ ныхӕстӕм гӕсгӕ, магистралон хызты арӕзтадон куыстытӕ банысангонд уынгтыл сты алыгъуызон къӕпхӕнтыл.

Коммуникациты — дон, газ ӕмӕ канализаци — арӕзтады куыстытӕ та хъуамӕ фӕуой июны, уый фӕстӕ райдайдзӕн уынгты арӕзтад.

Фӕндагон арӕзтад ӕмӕ автомобилон фӕндӕгты эксплуатацийы комитеты сӕргълӕууӕг Гуызыттаты Эдуард дӕр радзырдта Гуфта-Къуайсайы фӕндаджы арӕзтады тыххӕй.

"Гуфта-Къуайсайы фӕндаджы куыстытӕ цӕуынц тынг хорз. Архайы дзы алы техникӕ дӕр ӕмӕ ног къуыри УФ Цӕгат Кавказы хъуыддӕгты министрады ӕххуысӕй нывӕзт ахизын кӕндзыстӕм иннӕ этапмӕ", — радзырдта Гуызыттаты Эдуард.

Хуссар Ирыстоны 2018-2019 ӕзтӕн инвестицион программӕйы ис 51 мадзалы. Уыдон реализацийӕн Уӕрӕсейы бюджетӕй рахицӕн ӕрцыд 4.3 миллиард сомы алы азӕн дӕр.

Сӕйраг темӕтӕ