06:26 12 МАЙРÆМТЫ МÆЙ 2020
Комкоммӕ эфир
  • EUR85.92
  • USD73.15
Хуссар Ирыстоны
Чысыл дӕнцӕг
89 0 0

Ӕлхæд æрцæудзæн 6 мин кв метры æмбæрзæн æрмæг æмæ йæ байуардзысты Цъоны æмæ Чъимасы их сæ хæдзæртты агъуыстытæ кæмæн ныссаста, уыцы бинонтыл

ЦХИНВАЛ, 21 ноя — Sputnik, Плиты Фатимæ. Хуссар Ирыстоны Дзауы районы дыууæ хъæуы цæрджытæн, кæцытæ зиан баййæфтой æрдзон бæллæхы фæстиуæгæн, райсдзысты хицауадæй компенсацитæ, фехъусын кодта районы разамонæг Махъоты Уырызмæг йæ пресс-конференцийы рæстæджы Цхинвалы.

Дзауы районы ихуард æрцыд 2018 азы 15 сентябры, æрдзон бæллæх ахаста фондз минуты бæрц, фæлæ ныссаста тыллæг, хæдтулгæты, дыууæ хъæуы хæдзæртты агъуыстытæ, йæ фæстæ донивылд та фæласта фæндæгтæ æмæ Згъубирмæ хид.

"Сæрмагонд къамис сбæлвырд кодта, их кæй бахъыгдардта æдæппæтæй 41 хæдзары, уыдонæй 30 - Цъоны æмæ 11 хæдзары та Чъимасы. Хицауад суынаффæ кодта баххуыс кæнын зианбаййæфæг бинонтæн арæзтадон æрмæгæй, фæндон сфидар кодта парламент дæр ацы бонты. Ӕлхæд æрцæудзæн 6 мин кв метры æмбæрзæн æрмæг, сæ сæвæрын та уыдзæн хæдзæртты хицæуттæн сæхи бæрны", - загъта Махъоты Уырызмæг.

Уый ма банысан кодта, Згъубиры хъæумæ фæндаг, кæцы донивылд раласта уыцы тæрккъæвдайы рæстæджы, ныридæгæн сцалцæг кодтой районы цæрæн-коммуналон хæдзарады тыхтæй.

Сӕйраг темӕтӕ