09:52 19 ХУЫМГÆНÆНЫ МÆЙ 2019
Комкоммӕ эфир
  • EUR72.36
  • USD63.95
 Роснефть

Цхинвалы райдыдтой аразын "Роснефть"-ы ӕртаджы станц

© Sputnik / Виталий Аньков
Хуссар Ирыстоны
Чысыл дӕнцӕг
37 0 0

Иумӕйагӕй Хуссар Ирыстоны территорийыл нывӕндынц саразын "Роснефть"-ы дыууӕ ӕртаджы станцы

ЦХИНВАЛ, 6 фев - Sputnik. Цхинвалы райдыдтой аразын "Роснефть"-ы ӕртаджы станц, радзырдта хицауады сӕрдары хӕдивӕг, экономикон райрӕзты министр Бекъойты Геннадий.

Иумӕйагӕй Хуссар Ирыстоны территорийыл нывӕндынц саразын "Роснефть"-ы дыууӕ ӕртаджы станцы.

"Райдыдтам аразын фыццаг ӕртаджы станц Цхинвалмӕ бахизӕны, "Растдон" куыстуаты ныхмӕ. Объект эксплуатацимӕ ратдзысты майы", - хъусын кӕны Бекъойты Геннадийы ныхӕстӕ хицауады пресс-службӕ.

Министр бафтыдта, дыккаг ӕртаджы станц кӕй нывӕндынц саразын горӕты центры Кочысаты Розайы уынгыл.

"Роснефть"-ы ӕртаджы станц саразыны фӕдыл бадзырд бафыстой республикӕйы президент Бибылты Анатолийы ӕмӕ ПАО "Роснефть" директор Игор Сечинимӕ фембӕлды рӕстӕджы 2017 азы.

"Югосетнефтепродукт" 2014 азӕй фӕстӕмӕ у нефтепродуктты официалон импортер паддзахадон куыстуат ӕмӕ компани "Роснефть"-имӕ бадзырдмӕ гӕсгӕ.

Сӕйраг темӕтӕ