15:40 17 СУСÆНЫ МÆЙ
 2019
Комкоммӕ эфир
  • EUR70.56
  • USD62.95
Хуссар Ирыстоны тӕрхондон

Бибылты Анатолий тӕрхондӕтты кусджытӕн: сымах куысты руаджы ӕххӕст цӕуынц ӕмбӕстӕгты бартӕ

Пресс-служба ВС РЮО
Хуссар Ирыстоны
Чысыл дӕнцӕг
56 0 0

Хуссар Ирыстоны президент раарфӕ кодта сӕ профессионалон бӕрӕгбоны цытӕн республикӕйы тӕрхондӕтты системӕйы кусджытӕн

ЦХИНВАЛ, 11 фев - Sputnik. Тӕрхондӕтты системӕйӕн ис ахсджиаг бынат паддзахады барадон политикӕйы арӕзтады, дзырдӕуы Хуссар Ирыстоны президент Бибылты Анатолийы арфӕйы тӕрхондӕтты системӕйы кусджытӕн, кӕцытӕ къуырисӕры нысан кӕнынц сӕ профессионалон бӕрӕгбон.

Паддзахады сӕргълӕууӕг бахахх кодта, тӕрхонгӕнджыты иууыл ахсджиагдӕр хӕслӕвӕрдтӕй иу у иузӕрдыгдзинад законӕн.

"Сымах руаджы ӕххӕст цӕуынц Республикӕ Хуссар Ирыстоны ӕмбӕстӕгты конституцион бартӕ, афтӕ ма ӕхсӕнадон фӕтк дӕр. Стыр бузныг уын уӕ куыст, активон граждайнаг позици ӕмӕ намысы тыххӕй", - хъусын кӕны президенты ныхӕстӕ йӕ пресс-службӕ.

Бибылты Анатолий банысан кодта, ацы миниуджытӕ дарддӕр дӕр кӕй ӕххуыс кӕндзысты тӕрхондӕтты кусджытӕн ӕххӕст кӕнын сӕ хӕслӕвӕрдтӕ. Хицӕн бузныг президент загъта тӕрхондӕтты системӕйы ветерантӕн, кӕцыты руаджы арӕзт ӕрцыдысты стыр профессионализмы традицитӕ.

Хуссар Ирыстоны тӕрхондоны системӕйы кусӕджы бон снысан кодтой президенты барамындмӕ гӕсгӕ 2018 азы 29 октябрӕй ӕмӕ йӕ нысан кӕнынц ӕрвылаз 11 февралы.

Сӕйраг темӕтӕ