21:57 17 СУСÆНЫ МÆЙ
 2019
Комкоммӕ эфир
  • EUR70.56
  • USD62.95
пиротехникӕ

Цхинвалы сылгоймаг зиан баййӕфта пиротехникӕйы тыххӕй

© Sputnik / Валентин Егоршин
Хуссар Ирыстоны
Чысыл дӕнцӕг
67 0 0

Зианбаййафӕджы аластой Дзӕуджыхъӕумӕ хоскӕнынмӕ

ЦХИНВАЛ, 11 фев - Sputnik. Цхинвалы 31-аздзыд цӕрӕг сылгоймаджы цӕст зиан баййӕфта пиротехникӕимӕ ӕнӕрхъуыды архайды фӕстиуӕгӕн, хъусын кӕны къуырисӕры Хуссар Ирыстоны Мидхъуыддӕгты министрады (МХМ) пресс-службӕ.

Уагдоны банысан кодтой, цау кӕй ӕрцыд хуыцаубоны, 10 февралы, ресторан "Минас"-ы. Оперативон кусджытӕ сбӕрӕг кодтой, пиротехникӕимӕ ӕнӕрхъуыды архайд кӕй разиан кодта сылгоймаджы цӕстӕн.

"Зианбаййафӕджы аластой Дзӕуджыхъӕумӕ хоскӕнынмӕ", - банысан кодтой МХМ.

Уагдоны бахахх кодтой, зӕгъгӕ, амалиуӕггӕнджыты ӕрбаздӕхдзысты административон бӕрнмӕ пиротехникӕ уӕй кӕныны тыххӕй. Милицийы кусджытӕ арӕх уадзынц рейдтӕ уый фӕдыл базарадон объекттыл.

Профилактикон мадзӕлттӕ уагъд цыдысты мидхъуыддӕгты министры уынаффӕмӕ гӕсгӕ Хуссар Ирыстоны территоримӕ ӕнӕлегалон пиротехникӕйы ласыны фӕдыл.

Сӕйраг темӕтӕ