03:43 27 ТÆРГÆЙТТЫ МÆЙ
 2019
Комкоммӕ эфир
  • EUR72.58
  • USD64.17
Къуылыхты Таймураз

Техцӕстдарды сӕргълӕууӕг: Хуссар Иры фӕфылдӕр ис арӕзтадон куыстыты гъӕд

Пресс-служба правительства РЮО
Хуссар Ирыстоны
Чысыл дӕнцӕг
24 0 0

Ивгъуыд азы фӕстиуджытӕм гӕсгӕ арӕзтады ӕмвӕзад фӕфылдӕр ис ӕмӕ ӕххӕст кӕнын райдыдтой эксплуатацимӕ раттыны ӕмгъуыд

ЦХИНВАЛ, 15 фев - Sputnik. Хуссар Ирыстоны фӕфылдӕр ис арӕзтадон куыстыты гъӕд ивгъуыд ӕзтӕм абаргӕйӕ, банысан кодта экологон, технологон æмæ арæзтадон цæстдарды комитеты сæргълӕууӕг Къуылыхты Таймураз хыгъдон рабадты рӕстӕджы.

Къуылыхты Таймураз банысан кодта, зӕгъгӕ, нардуатон организацитӕ, кӕцытӕ раст нӕ организаци кодтой арӕзтад ӕмӕ сӕ цӕст нӕ дардтой арӕзтады гъӕдмӕ, нал исынц хайад арӕзтадон процессы, кӕнӕ та ӕххӕст кӕнынц хӕслӕвӕрдтӕ стырдӕр нардуатон организациты.

"Хицауад сӕвӕрдта бӕрн егъау куыстуаттыл, кӕцытӕ сӕ цӕст дарынц арӕзтады гъӕдмӕ ӕмӕ сыл ис гӕнӕн баууӕндын. Уый фӕдыл фӕфылдӕр ис арӕзтады ӕмвӕзад ӕмӕ ӕххӕст кӕнын райдыдтой эксплуатацимӕ раттыны ӕмгъуыд", - банысан кодта комитеты сӕргълӕууӕг.

Комитеты куысты ноджы иу актуалон здӕхт у бырон калынимӕ тох кӕнын.

"Арӕзтад ӕмӕ цардуаджы ӕвзарӕнтӕ раст бынӕтты нӕ калынц – куыд республикӕйы цӕрджытӕ, афтӕ куыстуаттӕ дӕр", - загъта Къуылыхты Таймураз.

Бырондӕтты фӕзынынц уый тыххӕй ӕмӕ шофыртӕ нӕ бацӕуынц официалон полигонтӕм ӕмӕ акалынц ӕвзарӕнтӕ цӕрӕг пунктты, афтӕ ма цӕрджытӕм дӕр нырма нӕй ӕмбӕлгӕ ӕхсӕнадон хъуыдыйы ӕмвӕзад ӕвзарӕнты утилизацимӕ.

Сӕйраг темӕтӕ