05:52 22 ЗÆРДÆВÆРÆНЫ МÆЙ
 2019
Комкоммӕ эфир
  • EUR71.97
  • USD64.54
Культурӕйы министрад рауагъта къӕлиндар Къостайы азмӕ

Классик нывгӕнджыты цӕстӕнгасӕй: Культурӕйы министрад рауагъта къӕлиндар Къостайы азмӕ

© Sputnik / Фатима Плиева
Хуссар Ирыстоны
Чысыл дӕнцӕг
48 0 0

Рауагъды цъарыл фенӕн ис ирон литературон ӕвзаджы бындурӕвӕрӕг Хетӕгкаты Къостайӕн йӕхи автопортрет

ЦХИНВАЛ, 13 мар — Sputnik, Плиты Фатимӕ. Хуссар Ирыстоны культурӕйы министрады дӕлбар коллегийы уынаффӕмӕ гӕсгӕ мыхуыры рацыд Хетӕгкаты Къостайы хуызисттимӕ ӕмӕ нывтимӕ къӕлиндар. Рауагъд у Къостайы азмӕ бацӕттӕгонд хъӕзныг нывӕзты иу хай, фехъусын кодтой Sputnik министрады пресс-службӕйы.

Хуссар Ирыстоны 2019 аз расидтæуыд Хетæгкаты Къостайы азæй. Ирон классикы 160-азон юбилейы цытæн азы дӕргъы арӕзт ӕрцӕудзӕн бирӕ мадзæлттæ.

"Къӕлиндармӕ бацыдысты зындгонд нывгӕнджыты куыстытӕ, кӕцытӕ сныв кодтой Хетӕгкаты Къостайы хицӕн ӕзты. Рауагъды ис Тугъанты Махарбег, Дзанайты Азанбег, Плиты Асланбег ӕмӕ Санахъоты Борисы куыстыты репродукцитӕ. Нырыккон нывгӕнджытӕй дзы фенӕн ис Бежанты Вадимы ӕмӕ Кӕсойты Лаврентийы конд нывтӕ. Кӕсойты Лаврентийы  ацы куыст ма сфӕлыста Паддзахадон театры фойе", - загътой уагдоны пресс-службӕйы.

Уым ма банысан кодтой, алы сыфыл дӕр фенӕн ис нывгӕнджыты куыстытӕй дарддӕр Хетӕгкаты Къостайы хуызисттӕ.

Рауагъды цъарыл та ис ирон литературон ӕвзаджы бындурӕвӕрӕг Хетӕгкаты Къостайӕн йӕхи автопортрет.

Куыстытӕ ист сты Национ музей ӕмӕ газет "Республика"-йы архивӕй. Къӕлиндар мыхуыр ӕрцыд 500 экземплярӕй рауагъдад "Республика"-йы культурӕйы министрады заказмӕ гӕсгӕ.

Календарь ко дню Коста Хетагурова
© Sputnik / Фатима Плиева
Культурӕйы министрад рауагъта къӕлиндар Къостайы азмӕ

Сӕйраг темӕтӕ