00:29 23 РУХÆНЫ МÆЙ 2019
Комкоммӕ эфир
  • EUR70.60
  • USD63.85
Хуссар Иры театр сфидар кодта фӕсарӕйнаг нывӕзт

Дзӕуджыхъӕу, Луганск ӕмӕ Майкоп: Хуссар Иры театр сфидар кодта фӕсарӕйнаг нывӕзт

© Sputnik / Наталья Айриян
Хуссар Ирыстоны
Чысыл дӕнцӕг
106 0 0

Сфӕлдыстадон къорд апрелы фестивальты ӕмӕ гастрольты равдисдзӕн ӕртӕ спектакль ӕмӕ аргъау

ЦХИНВАЛ, 1 апр — Sputnik, Плиты Фатимӕ. Хуссар Ирыстоны паддзахадон драмон театр ацӕудзӕн гастрольты Дзӕуджыхъӕумӕ. Ирыстоны цӕгаты хуссарирыстойнаг труппӕ равдисдзӕн аргъау ӕмӕ спектакль, фехъусын кодтой Sputnik ПДТ-йы пресс-службӕйы.

"Цӕгат Иры Ирон театримӕ бадзырды фӕлгӕтты 11 апрелы нӕ труппӕ фӕуазӕг уыдзӕн иубонон гастрольтимӕ Дзӕуджыхъӕумӕ. Бонӕй кӕстӕр фӕлтӕрӕн равдисдзыстӕм "Тӕрхъусы амонд", изӕры та спектакль "Нӕлгоймаг, сылгоймаг, рудзынг, мард" - загътой пресс-службӕйы.

Ӕрбалӕугӕ мӕйы Хуссар Иры театры нывӕзты Цӕгат Иры гастрольтӕй дарддӕр ис дыууӕ фестивалы хайадист дӕр.

"22-28-мӕ Майкопы цӕудзӕн Адыгъейаг-абхазаг театрты ӕхсӕнадӕмон фестиваль "Кавказский меловой круг", уырдӕм нӕ театр ацӕудзӕн уӕрӕх скондӕй - артисттӕй дарддӕр ма афӕндараст уыдзысты драматургтӕ ӕмӕ литературон хайады кусджытӕ, равдисдзыстӕм Дзудцаты Тамерланы ӕвӕрд трагеди "Антигона", - загътой уагдоны.

Ӕмрӕстӕджы Хуссар Ирыстоны паддзахадон драмон театры ӕндӕр сконд уагдоны директоры сӕргълӕудӕй ацӕудзӕн ЛАР-ы республикӕмӕ.

"Луганскы Адӕмон республикӕйы театралон фестиваль "Госпожа удача"-йы хуссарирыстойнаг къорд равдисдзӕн Александр Островскийы пьесӕ "Хъӕд"-мӕ гӕсгӕ мӕскуыйаг режиссер Андрей Цисарукы куыст", - бафтыдтой уагдоны пресс-службӕйы.

Сӕйраг темӕтӕ