10:27 19 ХУРХÆТÆНЫ МÆЙ
 2019
Комкоммӕ эфир
  • EUR72.23
  • USD64.34
Уӕрӕсейаг-ирон фӕсивӕдон форум

Семинартӕ, экскурситӕ ӕмӕ футбол: Хуссар Иры цӕттӕ кӕнынц фыццаг фӕсивӕдон форуммӕ

© Sputnik / Ада Багиан
Хуссар Ирыстоны
Чысыл дӕнцӕг
19 0 0

Форум суыдзӕн ахуырадон фӕзуат фӕсивӕдӕн

ЦХИНВАЛ, 30 мая — Sputnik, Козаты Диана. Хуссар Ирыстоны хӕларадон бӕстӕты сӕдӕ минӕварӕй фылдӕр ӕрцӕудзысты республикӕмӕ фыццаг уӕрӕсейаг-ирон фӕсивӕдон форуммӕ.

Уӕрӕсе, ЛАР, ДАР, Днестыргӕрон, Абхаз, Хӕххон Карабах ӕмӕ Хуссар Ирыстоны фӕсивӕдмӕ 11-15 июны ӕнхъӕлмӕ кӕсдзысты семинартӕ, тымбыл фынгтӕ, мастер-класстӕ, спортивон хъӕзтытӕ ӕмӕ цымыдисон баныхас, радзырдтой Sputnik фӕсивӕдон политикӕ, спорт ӕмӕ туризмы комитеты пресс-службӕйы.

Организаторты хъуыдымӕ гӕсгӕ, форумы сӕйраг хӕслӕвӕрд уыдзӕн саразын иугонд фӕзуат фӕсивӕды хсӕн ӕмархайдӕн.

"Форумы нысаниуӕг  - саразын ахуырадон фӕзуат фӕсивӕдӕн, ӕххуыс кӕнын ӕвзонг фӕлтӕры проектон архайдӕн, афтӕ ма ӕхсӕнадӕмон фӕсивӕдон ӕмгуыстады райрӕзт", - радзырдтой уагдоны.

Фæсивæдон форум
© Sputnik / Пресс-служба комитета по молодежной политике

Фӕсивӕдимӕ кусдзысты ахуыргондтӕ, амалиуӕггӕнджытӕ, политикон ӕмӕ ӕхсӕнадон архайджытӕ. Уымӕй дарддӕр ма ӕвзонг фӕлтӕрӕн сорганизаци кӕндзысты экскурситӕ Хуссар Ирыстоны историкон бынӕттӕм.

"Форумы бӕрӕгбонон баконд ацӕудзӕн паддзахадон драмон театры, цы ран хайад райсдзысты президент Бибылты Анатолий, "Уӕрӕсейы фӕсивӕды" разамонӕг Александр Бугаев ӕмӕ Ресурсон фӕсивӕдон центры сӕргълӕууӕг Алексей Любцов", - загътой фӕсивӕдон комитеты пресс-службӕйы.

Афтӕ ма форумы хайадисджытӕ ауадздзысты хӕларадон хъаст футболӕй.

Сӕйраг темӕтӕ