22:05 19 РУХÆНЫ МÆЙ 2020
Комкоммӕ эфир
  • EUR88.96
  • USD75.03
Хуссар Ирыстоны
Чысыл дӕнцӕг
29 0 0

Цхинвалмӕ ӕрцӕудзысты фӕсарӕйнаг уазджытӕ, се хсӕн Китай, Греци, Сомихстон ӕмӕ уӕрӕсейаг журналисттӕ

ЦХИНВАЛ, 4 авг – Sputnik. Уӕрӕсейаг ӕмӕ фӕсарӕйнаг журналистты къорд ӕрцӕудзӕн Хуссар Ирыстонмӕ ӕмӕ радзурдзӕн республикӕйы царды тыххӕй, фехъусын кодта РХИ президенты паддзахадон уынаффӕгӕнӕг Кокойты Сослан.

"Абон республикӕмӕ ӕртыккаг масштабон пресс-туры фӕлгӕтты ӕрцӕудзӕн уӕрӕсейаг ӕмӕ фӕсарӕйнаг журналистты къорд", - ныффыста Кокойты Сослан йӕ фарсыл социалон хызӕ Facebook-ы.

Паддзахадон уынаффӕгӕнӕг бамбарын кодта, фӕсарӕйнаг уазджыты хсӕн кӕй уыдзысты Китай, Греци ӕмӕ Сомихстонӕй журналисттӕ, уӕрӕсейаг ДИФ та уыдзӕн РИА Новости, газеттӕ "Труд" ӕмӕ "Собеседник"-ы уацхӕсджытӕ.

"Уазджыты ӕрцыд сорганизаци кодта Хуссар Ирыстоны стыр хӕлар Хаял Муаззин (ирайнаг журналист). Ныфс нӕ ис, пресс-туры куыст кӕй уыдзӕн фӕстиуӕгджын ӕмӕ уазджытӕ кӕй аздӕхдзысты райгондӕй", - банысан кодта уынаффӕгӕнӕг.

Ацы аз ныр уый у фӕсарӕйнаг журналистты ӕртыккаг пресс-тур: майы республикӕмӕ ӕрцыдысты журналисттӕ Иран ӕмӕ Латинаг Америкӕйӕ, иу мӕй фӕстӕдӕр та - Иран ӕмӕ Сирийы информацион агентадты минӕвӕрттӕ.

Сӕйраг темӕтӕ