05:28 23 МАЙРÆМТЫ МÆЙ 2019
Комкоммӕ эфир
  • EUR72.83
  • USD65.62
Цхинвалы районы ЦКХ аскъуыддзаг кодтой донифтонгады проблемӕ Къусреты хъӕуы

Цхинвалы районы скъуыддзаг кӕнынц хъӕуты донифтонгады проблемӕ

© Sputnik / Элина Габараева
Хуссар Ирыстоны
Чысыл дӕнцӕг
7 0 0

Нуазыны доны цухдзинад у районы коммуналон кусджыты сӕйраг проблемӕтӕй иу

ЦХИНВАЛ, 13 авг – Sputnik, Гӕбӕраты Элина. Цхинвалы районы коммуналон службӕтӕ уадзынц дон Къусреты хъӕумӕ, фехъусын кодта Sputnik районон администрацийы цӕрӕн-коммуналон хӕдзарады (ЦКХ) сӕрдар Хъотайты Борис.

Цӕрӕн пункты цӕрджытӕ хъаст кодтой администрацимӕ донифтонгады цухдзинады фӕдыл.

"Мах ауагътам 2,5 километрӕй фылдӕр доны хӕтӕлтӕ. Ныр доны цухдзинады проблемӕ аскъуыддзаг кодтам. Уымӕй дарддӕр ма куыстытӕ уагъд цӕуынц Тъбеты хъӕуы дӕллаг фарс, уым суадоны донӕй сифтонг кӕндзысты 10 хӕдзарӕй фылдӕры", - банысан кодта Хъотайты Борис.

ЖКХ Цхинвальского района наладили водоснабжение в селе Кусрет
© Sputnik / Элина Габараева
Цхинвалы районы ЦКХ аскъуыддзаг кодтой донифтонгады проблемӕ Къусреты хъӕуы

ЦКХ сӕрдар бахахх кодта, зӕгъгӕ, доны цухдзинады проблемӕ гӕнӕн ис аскъуыддзаг кӕнын абузӕнтӕ скъахынӕй.

"Галуанты хъӕуы дӕр ис ахӕм проблемӕ. Раздӕр цӕрӕн пунктмӕ дон цыд Зары хъӕуӕй, фӕлӕ уый дӕр нал фаг кодта. Скъахтам 30 метры арфӕн абузӕн, уый фӕстӕ сӕвӕрдзыстӕм резервуар дӕр", - загъта Хъотайты Борис.

Афтӕ ма уый радзырдта районы иууыл стырдӕр хъӕутӕй иу – Цъунары доны цухдзинады тыххӕй дӕр.

"Хъӕуы райдайӕны скъахтам иу абузӕн. Фӕлӕ уӕддӕр дон хъӕуы цӕрджытӕм цӕуы графикмӕ гӕсгӕ, уымӕн ӕмӕ сӕрды доны бӕрцуат фаг нӕ вӕййы", - банысан кодта уый.

Коммуналон кусджытӕ хъӕуы райдыдтой къахын уӕлӕмхасӕн абузӕн, цӕмӕй аскъуыддзаг кӕной проблемӕ.

Сӕйраг темӕтӕ