15:09 18 КÆФТЫ МÆЙ
 2019
Комкоммӕ эфир
  • EUR71.13
  • USD63.95
Цхинвалы уагъд цӕуынц Республикӕйы боны цытӕн парады репетицитӕ

Фыццаг генералон: Цхинвалы уагъд цӕуынц Республикӕйы боны цытӕн парады репетицитӕ

© Sputnik / Наталья Айриян
Хуссар Ирыстоны
Чысыл дӕнцӕг
15 0 0

Республикӕ расидыны 29-ӕм афӕдзы боны цытӕн ӕфсӕддон парад ацӕудзӕн 20 сентябры. Ацы аз бӕрӕгбонон марш уагъд цӕудзӕн Мӕскуыйаг уынгыл

ЦХИНВАЛ, 16 сен - Sputnik, Гӕбӕраты Элина. Цхинвалы ацыд Республикӕйы боны цытӕн ӕфсӕддон парады фыццаг генералон репетици. Хъахъхъӕнынады министрады пресс-службӕйы хистӕр Чехойты Инга куыд фехъусын кодта Sputnik, афтӕмӕй репетицийы хайад райстой Хъахъхъӕнынады министрад, Мидхъуыддӕгты министрад, Юстицийы министрад, Уӕлвӕткон уавӕрты министрады къордтӕ, афтӕ ма уӕрӕсейаг ӕмӕ хуссарирыстойнаг арӕнхъахъхъӕнджытӕ ӕмӕ 4-ӕм уӕрӕсейаг базӕйы ӕфсӕддонтӕ.

Чехойты Инга банысан кодта, ӕфсӕддон парад фыццаг хатт кӕй ацӕудзӕн Мӕскуыйаг уынгыл, уымӕн ӕмӕ Цхинвалы театралон фӕзуатыл ӕххӕст цӕуынц фонтаны арӕзтадон куыстытӕ.

"Фыццаг парад хъуамӕ ауагътаиккой ӕнӕ ӕфсӕддон техникӕйӕ Мӕскуыйаг уынджы фӕтӕны тыххӕй. Фӕлӕ уӕддӕр аскъуыддзаг кодтой, парады кӕй уыдзӕн ӕфсӕддон техникӕ дӕр", - банысан кодта Чехойты Инга.

Дыццӕг ӕмӕ ӕртыццӕджы столицӕйы ацӕудзысты ноджы дыууӕ репетици. Уый размӕ Хъахъхъӕнынады министрад уагъта парады тренировкӕтӕ Уӕрӕсейы 4-ӕм ӕфсӕддон базӕйы территорийыл.

Хуссар Ирыстоны ацы аз банысан кӕндзысты Республикӕ расидӕны 29-ӕм афӕдзы бон. 1990 азы 20 сентябры Адӕмон депутатты совет расидт Хуссар Ирыстоны советон демократон республикӕ Советон Цӕдисы сконды. Ацы скъуыддзаг ссис фыццаг къахдзӕфтӕй иу хӕдбардзинадмӕ ӕмӕ ӕхсӕнадӕмон банымадмӕ.

Сӕйраг темӕтӕ