14:20 18 КÆФТЫ МÆЙ
 2019
Комкоммӕ эфир
  • EUR71.13
  • USD63.95
Хуссар Иры рабӕрӕг кӕндзысты Цӕгат Кавказы тыхджындӕр шашистты

Хуссар Иры рабӕрӕг кӕндзысты Цӕгат Кавказы тыхджындӕр шашистты

© Sputnik / Наталья Айриян
Хуссар Ирыстоны
Чысыл дӕнцӕг
20 0 0

Турниры хайад райсыны бар ис 20 азы карӕй хистӕр нӕлгоймӕгтӕн, кӕцытӕн ис спорты мастермӕ кандидат, кӕнӕ бӕрзонддӕр ном

ЦХИНВАЛ, 16 сен – Sputnik, Гӕбӕраты Элина. Хуссар Ирыстоны ацӕудзӕн ӕхсӕнадӕмон турнир тагъд шашкӕтӕй, кӕцы нывонд у ирон классик Хетӕгкаты Къостайыл 160 азы сӕххӕсты цытӕн. Хуссар Ирыстоны шашкӕты федерацийы президент Лолоты Борис куыд радзырдта Sputnik, афтӕмӕй ерыстӕм ӕрцӕудзысты шашисттӕ ӕппӕт Цӕгат Кавказӕй.

"Турниры хайад райсдзысты спортсментӕ Цӕцӕн, Дагестан, Цӕгат Ирыстон, Кӕсӕг-Балхъар ӕмӕ Ставрополӕй. Турниры хайад райсыны бар ис 20 азы карӕй хистӕр нӕлгоймӕгтӕн, кӕцытӕн ис спорты мастермӕ кандидат, кӕнӕ бӕрзонддӕр ном", - загъта Лолоты Борис.

Ерыстӕ уагъд цӕудзысты 28-29 сентябры ХИПУ ӕмдзӕрӕндоны конференц-залы. Турниры регламентмӕ гӕсгӕ иу партийӕн хицӕн кӕндзысты 15 минуты. Турниры уӕлахиздзаутӕн ратдзысты зӕрдылдарӕн призтӕ.

Организатортӕ сты фӕсивӕдон политикӕ, спорт ӕмӕ туризмы комитет, уӕлдӕр спортивон дӕсниады скъола ӕмӕ шашкӕты федераци.

Сӕйраг темӕтӕ