08:52 19 ДЖЕОРГУЫБАЙЫ МÆЙ
 2019
Комкоммӕ эфир
  • EUR70.53
  • USD63.75
Цхинвал

Хуссар Иры МХМ сӕргълӕууӕг бафхӕрдта йӕ кусджыты фӕндӕгтыл уавӕры тыххӕй

© Sputnik / Наталья Айриян
Хуссар Ирыстоны
Чысыл дӕнцӕг
19 0 0

Ивгъуыд къуыри республикӕйы фӕндӕгтыл ӕрцыд цыппар авари, кӕцыты фӕстиуӕгӕн зиан баййӕфтой цыппар адӕймаджы

ЦХИНВАЛ, 6 ноя - Sputnik. Хуссар Ирыстоны мидхъуыддӕгты министр Наниты Игоры зӕрдӕмӕ нӕ фӕцыд республикӕйы фӕндӕгтыл ӕдасдзинады хъахъхъӕнынад. Уый тыххӕй министр фехъусын кодта кусӕгон рабадты рӕстӕджы, хъусын кӕны уагдоны пресс-службӕ.

Ивгъуыд къуыри республикӕйы фӕндӕгтыл ӕрцыд цыппар авари, кӕцыты фӕстиуӕгӕн зиан баййӕфтой цыппар адӕймаджы. Уый фӕдыл мидхъуыддӕгты министр банхъардта ауадзын фӕндагон-транспортон цауты (ФТЦ) лӕмбынӕг анализ, цӕмӕй ногӕй мауал ӕрцӕуой. Паддзахадон автоинспекцийы кусджытӕ авариты фылдӕр нымӕц сбӕрӕг кодтой Дзау-Рукъ фӕндагыл – шофыртӕ нӕ сырӕхстысты скъӕрын бырынцъаг фӕндагыл митуарды тыххӕй. Боныгъӕды февзӕры фӕдыл Паддзахадон автоинспекци ӕрсидт шофыртӕм рахизын зымӕгон резинӕмӕ.

"Мидхъуыддӕгты министр банхъардта Паддзахадон автоинспекцийы хистӕрмӕ дарддӕр уадзын профилактикон куыст автотранспорты шофыртимӕ, цӕмӕй ӕххӕст кӕной фӕндагон змӕлды фӕтктӕ. Наниты Игоры ныхӕстӕм гӕсгӕ, фистӕг бӕлццонтӕ ӕмӕ шофыртӕ куы ӕххӕст кӕной фӕндагон змӕлды фӕтктӕ ӕмӕ реализаци куы ӕрцӕуа уӕлӕмхасӕн мадзӕлтты комплекс, уӕд фӕфылдӕр уыдзӕн ӕдасдзинад фӕндӕгтыл", - фехъусын кодтой уагдоны.

Уымӕй дарддӕр Наниты Игорь бахӕс кодта барадхъахъхъӕнджытӕн, цӕмӕй сӕ цӕст дарой республикӕйы ӕнахъом ӕмбӕстӕгтӕм ӕмӕ банысан кодта, ӕнахъомтӕ ӕхсӕвы ӕнӕ хистӕртӕй кӕй хъуамӕ ма уой ӕхсӕнадон бынӕтты. Ивгъуыд къуыри милицийы кусджытӕ ӕрцахстой ӕртӕ ӕнахъомы паддзахады мулк фехалыны тыххӕй.

Сӕйраг темӕтӕ