12:15 10 ЦЫППУРСЫ МÆЙ 2019
Комкоммӕ эфир
  • EUR70.50
  • USD63.72
LTE 4G телефон

Рауӕрӕх кӕнын 4G фадӕттӕ: "Мегафон-Хуссар Ирыстон" бакодта ног базӕйон станц

© Sputnik / Наталья Айриян
Хуссар Ирыстоны
Чысыл дӕнцӕг
7 0 0

Интернет ӕмӕ бастдзинады гъӕд фӕхуыздӕр ис Хуссар Ирыстоны столицӕйы хуссар-скӕсӕны фарсы – 4G мобилон телефонты хицӕуттӕ ныридӕгӕн саргъ кодтой ивындзинӕдтӕн

ЦХИНВАЛ, 12 ноя – Sputnik, Козаты Диана. Хуссар Ирыстоны мобилон бастдзинады иунӕг оператор "Мегафон-Хуссар Ирыстон" бакодта ног базӕйон станц завод "Эмальпровод"-ы районы (Хъайтарты уынг).

Азы райдайӕны ацы уынгыл эксплуатацимӕ радтой ног микрорайон. Уымӕ гӕсгӕ фӕфылдӕр сты мобилон бастдзинад ӕмӕ интернетӕй пайдагӕнджытӕ. Компани цалдӕр азы фӕнд кодта бакӕнын ацы районы базӕйон станц, фӕлӕ бынӕттон цӕрджытӕ уыдысты уый ныхмӕ, уымӕн ӕмӕ хъуыды кодтой, станц ӕвзӕр кӕй бандавдзӕн се ‘нӕниздзинадыл.

"Мегафон-Хуссар Ирыстон"-ы генералон директор Роман Ковригайы ныхӕстӕм гӕсгӕ, республикӕйы ног микрорайонтӕ арӕзт кӕй цӕуынц, уый фӕдыл фӕфылдӕр сты мобилон бастдзинады абоненттӕ дӕр. Уымӕ гӕсгӕ егъау районты, куыд "Жилмассив", "Шанхай", дыууадӕсӕм скъолайы район, ӕвӕрд цӕуынц фылдӕр базӕйон станцтӕ.

"Фондз азӕй фылдӕр мах райтынг кӕнӕм нӕ сервистӕ ӕмӕ аразӕм цыппӕрӕм фӕлтӕры инфраструктурӕ, цӕмӕй нӕ абоненттӕ пайда кӕной нырыккон цифрон технологитӕй республикӕйы алкӕцы районы дӕр", - бахахх кодта Роман Коврига.

Компанийы банысан кодтой, мобилон телефонты хицӕуттӕ ныридӕгӕн хорз кӕй саргъ кодтой ивындзинӕдтӕн.

Сӕйраг темӕтӕ