08:29 09 ЦЫППУРСЫ МÆЙ 2019
Комкоммӕ эфир
  • EUR70.76
  • USD63.72
Сур фонтаны эскиз

Фонтан уыдзæн уалдзæджы: объекты скуыст та аргъæвтой иннæ азмæ

Тамерлан Дзудцов
Хуссар Ирыстоны
Чысыл дӕнцӕг
63 0 0

Нывæзтмæ гæсгæ, цæрджытæ хъуамæ ацы аз æвдисæн уыдаиккой театры раз фонтаны æхсæрдзæнтæн, фæлæ та куыстытæ чысыл фæфæстиат сты

ЦХИНВАЛ, 4 дек - Sputnik, Плиты Фатимæ. Хуссар Иры столицæйы театралон фæзуаты фонтан скусдзæн 2020 азы уалдзæджы. Арæзтадон куыстытæ сты æлхынцъгæнæн этапы, фехъусын кодтой Sputnik арæзтады министрады пресс-службæйы.

Нывæзтмæ гæсгæ, цæрджытæ хъуамæ ацы аз æвдисæн уыдаиккой театры раз фонтаны æхсæрдзæнтæн, фæлæ куыстытæ чысыл фæфæстиат сты.

"Арæзтадон æмæ монтажон куыстытæ фæуд кæнынц азы кæронмæ. Аннæ азмæ æргъæвынц скусын æмæ срæвдз кæныны куыстытæ. Фæстиаты аххосæгтæй иу у, сæйраг фæзуат ногазон бæрæгбонон мадзæлттæ кæй æрфысым кæндзæн, стæй ма зымæджы астæу фонтаны скусын кæнынæн рæгмæ кæй у, уый", - загътой пресс-службæйы.

Фонтаны арæзтадон куыстытæн хицæнгонд æрцыд 23 милуан сомы. Нардуатон фирмæ "Про-Микс"-ы хуссарирыстойнаг хайады хистæр Евгений Иванидзейы ныхæстæм гæсгæ, ифтонгады фылдæр хай æрластой фæсарæнтæй.

"Ног азы уал фонтанæн фыццаг сараздзыстæм фæлварæн скуыст, фæлæ уалдзæджы та уый райдайдзæн йæ куыст. Ныридæгæн объекты уæллаг хай цæттæ цæуы гранитæй æмбæрзынмæ", - загъта Евгений Иванидзе.

Цхинвалы сæйраг фонтаны арæзтадæн ис дæргъвæтин истори - йæ алыварс ныхас æхсæнады æмæ социалон хызæджы цыд бирæ æзты дæргъы – иутæ æнхъардтой бахъахъхъæнын фонтан йæ раздæры хуызы. Фæстагмæ æрлæууыдысты нырыккон "сур" фонтаныл. 2016 азы кæронмæ Цхинвалæн ныфс дæттой саразын Цæгат Кавказы иууыл рæсугъддæр фонтан. Арæзтад бахæс кодтой цæгатирыстойнаг фирмӕ "Промикс"-æн. Фæлæ та фæстæдæр йæ арæзтад фестад татарстайнаг фирмæйы дæлбар, фонтан та кусгæйæ федтой æрмæстдæр фæлварæны рæстæджы.

Цхинвалы театралон фæзуат сæрибар никуы уыд — ам ивгъуыд рӕстӕджыты уыд цыртытæ советон фæтæгтæ Ленин æмæ Сталинæн, фæстæдæр та дзы арӕзт ӕрцыд фонтан. Фæлæ ивгъуыд ӕнусы 90-ӕм æзтӕй фæстæмæ уый стæм хатт рухс кодта цӕрджыты зæрдæтæ йе 'хсæрдзæнтæй — фонтан-иу баиу кодтой ӕрмӕстдӕр паддзахадон бæрæгбонты рæстæджы, сабитæ-иу систой йæ разы къамтæ æмæ та-иу изæрмæ фонтан басур. 2006 азæй фæстæмæ та хæлд фонтан сыгъд театры бæстыхайимӕ иумæ раууаты хуыз дæттой горæты центрæн.

Сӕйраг темӕтӕ